Kantares 8
8
1¡Ioi, te avilana sargo mo phlal,
ta te bariardaia tut mi dei pe po kolin!
Ondaka te maladema tut po drom,
sai chumidiema tut ta niko ni diaia me orbe.
2Sai inllardema tut kai me dako cher
ta sai cherdema tut te de andre,
ta tu sai sikadana man,
a me sai diema tut katar e mai lachi mol
ta katar o pai katar me granade.
3Leko va o stingo te avel telal katar mo soro,
ta leko va o chacho te lipil man pe pete.
Vou
4Jan mange sovel chea katar o Jerusalem
kai ka muken la te sovel, voi si mo volipe.
Muken la te sovel lligo ni ka mangel te ustel.#Knt 2.7; 3.5.
E sovto llili
Llilaben sa
5¿Ko si gaia kai avel katar o pusto
inzardi po dumo katar gua kai volil la?
Vou
Telal katar iek kas phabaiengo
llungadem tut.
Kote kai dukhaia che da,
kote kai dukhaia gola kai bianda tut.
Voi
6Inllar man sargo iek sello pe cho lio,
ta sargo iek sello pe cho va,
soke o volipe si zuralo sargo o meripe.
E joli kana voli si zurali sargo o limori
leki iag si sargo iek baro plameko kai phabol.
7Ni o pai katar sa e mora
nasti mundarel o volipe,
ni o pai katar e lena nasti tasaven le.
A ko mangela te del sa po barvalipe
te pochinel o volipe,
ka maren letar espurnia.
Llilaben sa
8Amari phiorri inai la kolina.
¿So ka chera amare phiorrake
kana ka aven te mangen la?
9Te avilaia iek zido
thodama pe late iek baro cher rupuno,
te avilia udar
thodama pe late kasta katar o sedro.
Voi
10Me sem iek zido,
ta me kolina si sargo bare chera,
goleke sar kana vou dikhla man
me maladem e veselia.
11E Salomone saia drakha ando Baal Amon
ta mukla te arakhen len e boñikura,
ta kana avela o vreme kai chiden e drakha,
suako iek saia te anel milia tolaria rupune.
12E milia tolaria rupune le len tu, Salomon,
ta e dui stotine tolaria
e llenenge kai arakhen e drakha,
a me arakhav e drakha kai si murne.
Vou
13Tu kai zivi ande vostanura,
me amal asunen cho avazi
cher man te asunav le ime.
Voi
14Sigar, manusea kai voliu tut,
praste sargo iek venado,
sargo o minono katar iek gasela
upral pe burdura kai khanden sukar.
Currently Selected:
Kantares 8: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
