Kantares 7
7
Vou
1¡Gia sukar dikhon che porrne
ande sinele chei e charoki!
Che changa si sargo marde ando sunakai,
cherde katar o mai lacho kovachi.
2Cho bureko si sargo iek taso,
kai suako drom si pherdo mol.
Cho lli si sargo iek umpa lliu
kai truial si lulunlla.
3Che kolina si sargo dui gasele bisniake,#Knt 4.5.
4Chi korr si sargo iek torre cherdi katar o marfil.
Che akha si sargo dui bunaria
katar o Jesbon
pasa o udar katar o Bat Rabim.
Cho nak si sargo e torre katar o Libano
kai dikhel karing o foro Damasko.
5Cho soro dikhol sargo o burdo Karmelo.
Che bal e lole visin
sargo kana iek charo si phanglo ande lende.
6¡Gia sukar san,
gia guglo si cho volipe
ande dragostia!
7Tu san bari sargo iek palmera,
che kolina si sargo lake septelie.
8Me mislisailem te likav upre pe palmera,
ta te lav mange che septelie.
Muk te aven che kolina
sargo krangura drakhenge,
ta cho aburo te khandel sargo phabaia.
9Cho mui si sargo e lachi mol
kai chingarel e us
ta nakhel katar e danda,
ta cherel te den orba e phure.
Voi
10Me sem e manuseki kai voliu,
ta me sem leki veselia, ta si zelno pe mande.
11Aide, manusea kai voliu tut,
aide ando vos,
nakha e riat ande forichura.
12Usta rano ta aide kai e umal e drakhenge.
Aide te dikha dal barile e lulunlla e drakhenge,
o dal putaile e lulunlla katar e granade,
kote ka dav tut mo volipe.
13E mandragora chudel petar pi khand,
ta pe amaro udar si katar suako septelia gugli,
neve ta suke kai gurudem chuke,
kai san o manus kai voliu.
Currently Selected:
Kantares 7: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
