Isaias 1
1
O Juda, foro kai cherel o bilachipe
1O Isaias chavo katar o Amoz, dikhla iek sargo suno katar o Juda ta katar o Jerusalem, ande llivesa kana charoila o Usias,#2 R 15.1-7; 2 Kr 26.1-23. o Jotam,#2 R 15.22-38; 2 Kr 27.1-9. o Ajas#2 R 16.1-20; 2 Kr 28.1-27. ta o Ezekias#2 R 18.1—20.21; 2 Kr 29.1—32.33. ando Juda.#Mik 1.1.
2Asun miloso, ta asun tu, phuv,
soke o Del del orba:
Bariardem chaurren ta dikhlem sar barion,
ta von ni kandie man.
3O guruv pinllarel pe gazda
ta o magarcho pinllarel o cher
kai leko gazda del le te jal,
a o Israel ni acharel, mo foro inai le bizaipe.#Jer 8.7.
4¡Ioi tumen kai cheren o bilachipe,
kai sen iek foro bilacho, vicha bilachengi,
chave katar e kochkaria! Muklen e Devle,
cherden te joliaol o Santo katar o Israel,
ta irisailen palpale.
5¿Soke mangen te aven dukhade ios?
¿Pale ni kanden? Tumaro soro si nasualo
ta tumaro lio dukhado.
6Katar tumaro porrne llik kai tumaro soro
inai tumen niso sasto, samo chindipe suvlipe
ta rane cherne kai inai sastarde,
inai ulime ande kirpe
ta ni kovliarde ando zeitino.#Jer 30.12-15.
7Tumari phuv si zatrime,
tumare forura si phabarde,
tumari phuv jale la angla tumende
e llene katar aver phuvia,
mukle la pusti
sargo kana zatrin e llene kai ni pinllare len.
8Ta e chei katar o Sion
achili sargo kastorra pe umal e drakhengi,
sargo cherorro pe umal e jurbuzengi
sargo iek foro kai mukle le pusto.
9O Del kai si le sa e zor
te na muklaia nesave llenen,
avilama sargo e Sodoma ta e Gomorra.
O blagosipe chachuno karing o Del#Jen 19.1-29; Ro 9.29.
10Charura katar e Sodoma,
asunen so phenel o Del,
asunen o zakono katar amaro Del,
foro katar e Gomorra.#Jer 23.14.
11¿So blazil mange gachin kurbanura?
Chinio sem katar gachin droma
kai cheren kurbanura phabarde
katar e bakre ta e khoi katar e zivirinie thule,
ni kamam o rat e guruvengo ni e bakrengo
ni e busnengo.
12¿Ko mangel tumendar gala ezgode
kana tumen aven ande mo cher te phagen?
13Na aven te den man so ni mol le niso,
o taimano si mange gado,
tumari mesechina, tumaro sabado
ta kana chidiniaon, nasti terpiu len,
bilachipe si tumare glamne slave.
14Murziu pe tumare slave mesechine
ta pe tumare glamne slave,
inai mange lache ta sem chinio kai terpiu len.#Jer 6.20; Am 5.21-22.
15Kana ka inzare che va,
me ni ka dikhav pe tumende,
ta kana ka molin tumen zurale,
me ni ka asunav
tumare va si pherde rat.
16Jalaven tumen ta chiston tumen
ikanen o bilachipe katar so cheren
angla me akha, na cheren o bilachipe,
17sikon te cheren o lachipe,
roden o chachipe,
thoven pe leko than gole kai si dukhado,
chinen kris goleke kai inai le dad,
arakhen e phivlien.#Ek 22.21-22; Dt 24.17-21; 27.19.
18O Del phenel:
Aven akana
ta thova e ezgode pe po than.
Tumaro bilachipe te avela lolo sargo piperi,
ka avel parrniardo sargo o iv,
te avela lolo sargo rat,
ka avel parrno sargo e parrne bal e bakreke.
19Te manglen ta te asunden,
ka jan katar o lachipe e phuviako.
20Te na manglen ta te na kandien,
ka aven mundarde po jarni,
soke o Del phenda le.
O Del ka chistol o Jerusalem
21¿Sar cherdilan iek kurvichka, tu
kai san chachi? Pherdi chachipe sana,
o chachipe zivila ande tute,
a akana andre zivin e llene kai mundaren.#Jer 3.6-10; Ez 16.15-36; 23.1-49.
22San arup ta cherdian llubri,
sana ta cherdilan mol amime paiea.
23Che llene mai glamne
cherdile kochkaria ta llan e choranenchar
sa drago lenge te len love po pukhadipe,
ta llan te len po chari, ni cheren o chachipe
e minonenge kai inai len dada,
ta e kris katar e phivlia ni avel lende.
24Goleke o Del kai si le sa e zor,
o zuralo katar o Israel phenel gia:
Ka ikanav mi duk pe me dusmanura
ta ka pochinen mange
gola kai marenpe manchar,
25Mapalal ka thovav mo va pe tute
ta ka cherav te achel but chisto cho melalipe
ta ka chistou tut katar chi mel.
26Ka thovav pale che krisaria
gia sar sea mai anglal
ta ka thovav golen kai llanen te sikaven
gia sar sea omanglal,
ta ondaka ka ikharen tut
foro katar o chachipe, foro chacho.#Zak 8.3.
27O Sion ka avel mukliardo e chachimaia,
ta gola kai zivin andre ta pachan,
ka aven mukliarde pala o chachipe.
28A gola kai ni pachan, kai si bilache
ta kai muken e Devle, ka aven zatrime.
29Ondaka ka avel tumenge lallao
katar e kasta kai volisarden,
ta zao katar e vostanura kai esvirisarden.
30Soke ka aven sargo iek
kas kai peren leke patra
ta sargo iek vostano kai inai le pai.
31Ta e llene zurale ka aven sargo char suki
ta so cherde ka avel sargo iek esterlicha,
ta e dui ka aven phabarde ande iek than
ta ni ka avel ko te mundarel e iag.
Currently Selected:
Isaias 1: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
