Kantares 6
6
Llilaben sa
1¿Kai llelotar gua kai volil le
tu kai san e mai sukar katar e diskinie?
¿Kai llelo?
¡Ka lla tuia te roda le!
Voi
2O lleno kai voliu le llelo kai po vostano,
leko vostano kai khandel sukar
te arakhel pe bakren
ta te chinel e lulunlla.
3Me sem e lleneko kai volil man,
ta vou si murno.
Vou arakhel e bakren maskar e lulunlla.#Knt 2.16.
E panchto llili
Vou
4Gia sukar san mi amal, sargo o foro Tirsa,
ta sargo o Jerusalem, glamni sargo
e boñikura kana si pe po than.#1 R 15.21.
5Le che akha mandar,
soke diliaren man.
Che bal si sargo busnorre
kai inzon pe umalia katar o Galaad.
6Che danda si sargo bakre
kai naiarde len,
si len minone bisniake
kai si lacharde te chinen lenge bal.
7Che chama dikhon sargo dui phabaia
gurudine pala cho dikhlo.
8Sovardes si e charoine,
ojtovardes e konkubine
ta ios mai but e chea,
9a iek si mi gulubicha
kai inai la ni iek bilachipe,
voi si e edini chei pe daki kai bianda la.
Kana dikhle la e chea
phende te avel blagosime,
e charoine ta e konkubine
blagosisarde la.
Llilaben sa
10¿Ko si gaia kai sikadol sargo
o kham kana llivosaol?
Voi si sukar sargo o chon,
klichil sargo o kham.
¡Glamni sargo e boñikura kana phiren!
Voi
11Llelem kai o vos e akhorengo,
llelem te dikhav e septelie katar e bari umal
te dikhav dal bariona e drakha
ta e lulunlla pe kasta katar e granade.
12Ni llanav sar avilem maskar e bordona
katar o Aminadab.
Llilaben sa
13¡Irisao sulamita, irisao!
¡Irisao kai manga te dikha tut!
Voi
¿A so mangen te dikhen katar e sulamita?
Llilaben sa
¡Manga te dikha iek chelipe sargo ando kolo!
Currently Selected:
Kantares 6: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
