Kantares 5
5
Vou
1Avilem kai mo vostano phiorrie,
rromie murni.
Liem mi mirra ta mo meriso,
jalem katar mo aullin,
pilem mi mol ta mo thud.
Llilaben sa
Jan ta pien
tumen kai sen me amal
tumen kai voliu.
Starto llilabipe
Voi
2Me sovava a mo lio saia llungado.
Asundem kai ikharela po udar
o lleno kai voliu le.
Vou
Putar mange tu san mo volipe,
phiorrie murni,
gulubicha murni kai inai tut bilachipe,
soke mo soro chingilo soke pechalpeke
ta me bal chingile katar o pai e rachako.
3Ikandem mandar me patave,
¿sar ka thovav pe mande pale?
Jaladem me porrne,
¿sar ka meliavav len pale?
4O lleno kai voliu le nakhada po va
katar e penlleravicha e udareki
ta izdraio mo lio.
5Me ustilem te putarav
e lleneke kai voliu le,
ta katar me va ta me naia
perela e mirra ta thavdela
pe alkava e udareki.
6Putardem e lleneke kai voliu le,
a vou lleloiatar ta ni saia po udar.
Rodiem le, ta ni maladem le,
ikhardem le, a ni dia man anglal.
7Malade man e boñikura
kai arakhen o foro,
chalade man, dukhade man.
¡Gola kai arakhena o udar e foroko
lie mandar mo gertachi kai saia pe mande!
8Diskinie katar o Jerusalem,
jan mange sovel,
kai te maladen gole kai voliu,
ka phenen leke kai merav volimatar.
Llilaben sa
9¿So si gole kai voli kai inai avere,
tu kai san e mai sukar katar e diskinie?
¿Soke si gia lacho gua kai voli le
kai chere amen te ja chuke sovel
pe goia ezgoda?
Voi
10O lleno kai voliu le si parrno,
inai ni iek sargo vou maskar des milie.
11Leko mui si sargo o sunakai o mai kuch,
leke bal si phagarde, kale sargo iek kuervo.
12Leke akha si sargo gulubura
pasa e paia katar e len
kai naion ando thud.
13Leke chama si sargo umalia
pherde lulunlla kai khanden sukar.
Leke us si sargo iek lulunllin
kai thavdel mirra kai khandel sukar.
14Leke va si sargo angrusta sunakune
ucharde ande barra katar o topasio,
leki esnaga si sargo o marfil kai klichil,
ta uchardo ande barra katar o safiro.
15Leke porrne si direkura cherde katar o marmol
kai besen po sunakai o mai lacho,
dikhon glamne
sargo e kasta katar o Libano,
esvirime sargo o sedro.
16Leko mui si but guglo.
¡Vou chudel petar sukaripe!
Gia si o lleno kai voliu le,
gia si mo amal.
¡Ioi diskinie katar o Jerusalem!
Currently Selected:
Kantares 5: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
