Kantares 4
4
Vou
1¡Gia sukar san mi amal,
tu san mo volipe!
¡Gia sukar san!
Che akha si dui gulubura
kai gurudon pala cho dikhlo,
che bal si sargo busnorre
kai inzon pe umalia katar o Galaad.
2Che danda si sargo bakre
kai naiarde len
ta si lacharde te chinen lenge bal.
Sa si len phiorra bisniake
ta saurre si pe po than.
3Che us si sargo thava lole,
cho orba si mi dragostia.
Che chama si lole sargo phabaia
gurudine pala cho dikhlo.
4Chi korr si lungi sargo o cher e Davideko
kai cherde le te guruven
e ezgode marimake.
Milia eskudura si umblade pe lete,
sa si eskudura katar e llene tromane.
5Che kolina si sargo dui gasele,
dui gasele kai si phlalorre bisniake
kai jan char maskar e lulunlla.#Knt 7.3.
6Aduricharav te perel o kham
ta te llalntar e senke,
te likav po burdo katar e mirra,
po burdo katar o taimano.
7¡Tu san sukar mi amal!
¡Inai tut ni iek ezgoda bilachi!
8Aide manchar katar o Libano, rromie murni.
Aide manchar katar o Libano.
Dik katar o than vazdino katar o Amana,
katar o than vazdino katar o Senir ta o Jermon,
katar o than kai gurudon e lionura,
katar e burdura katar e leopardura.
9Mo lio si chiro phiorrie,
rromie murni,
phanglan mo lio iekhe sinllirea
kai si pe chi korr
kana dikhlan pe mande.
10¡Gia sukar si cho volipe,
phiorrie, rromie murni!
¡Mai sukar neko e mol si cho volipe,
ta mai sukar si chiri khand
neko sa e merisura kai si pe phuv!
11Rromie murni,
katar che us perel o aullin.
¡Aullin ta thud si telal katar chi chib!
¡Gia sar khandel o Libano
isto gia khanden che patave!
12Tu san iek vostano phanglo,
phiorrie, rromie murni,
than e paieko phanglo,
iek bunari phanglo.
13Che lulunlla veve si sargo iek vostano
kai barion granade ta e mai lache septelie,
ta barion lulunlla katar e alenia ta o nardo.
14Nardo ta asafran,
kotor kas kai khandel sukar ta karanfili,
ta suako kas katar o taimano,
katar e mirra ta aloe,
ta katar e mai lache merisura.
15O than katar o pai kai si ando vostano,
si iek bunari kai likel o pai katar e phuv
kai fuliel katar o Libano.
Voi
16¡Uste balav katar o norte! ¡Uste balav
katar o sur! ¡Phurde pe mo vostano ta cher
te chudel petar po meriso!
Aide, manusea kai voliu tut, aide kai cho vostano
ta ja katar leke septelie kai si gugle.
Currently Selected:
Kantares 4: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
