Kantares 1
1
O purvo llilabipe
1E mai sukar katar e llilia katar o Salomon.#1 R 4.32; Knt 3.9-11.
Voi
2¡Ioi, te chumiden man che us!
Soke mai lacho si cho volipe neko e mol.
3¡Gia sukar khandel o meriso kai si pe tute!
Cho anav si sargo meriso kai chordol,
goleke e chea volin tut.
4¡Inllar man tute, sigar!
¡Charo, inllar man ande chi soba!
Llilaben sa
¡Ka dragosti amen ta ka veseli amen cheres tu!
¡Ka da amen golli katar cho volipe
mai but neko katar e mol!
Goleke volin tut.
Voi
5Diskinie katar o Jerusalem,
sem kali, a sem sukar,
sem kali sargo e chare katar o Kedar,
sem sukar sargo e chitura katar o Salomon.
6Na dik kai sem kali,
ni soke o kham dikhla pe mande,
me phlal jolaile pe mande,
ta thode man te arakhav e drakha,
¡a murne drakha ni arakhlem!
7Tu san o lleno kai voliu, phen mange
¿kai arakhe chi stoka?
¿Kai inllare len te soven po dopas e lliveseko?
¿Soke ka phirav sargo iek chudini
pasa e stoka katar che amal?
Llilaben sa
8Te na llanele tu, sukar maskar e diskinie,
lla pala e estope katar e stoka
ta arak che busnorren
pasa e cherorra katar e chobanura.
Vou
9Tu kai san mo volipe,
san mange sargo iek sukar grasni
kai chirdel o bordon katar o Faraon.
10¡Gia sukar si che chama
maskar che chea!
¡Gia sukar si chi korr
maskar e klea!
11¡Ka chera chuke chea sunakune,
marde ando rup!
Voi
12Kana o charo besel pe sinia,
mi lulunllin chudel petar o meriso.
13Mo rrom si mange sargo e mirra
ande ambavicha kai si maskar me kolina.
14Vou si mange sargo lulunlla
ande umalia e drakhenge katar o En Gadi.
Vou
15¡Gia sukar san, mi amal,
gia sukar san!
¡Che akha si sargo dui gulubura!
Voi
16Tu san sukar, tu san mo volipe,
ta san guglo.
Vou
E char si amaro than.
17E direkura katar amaro cher si e sedrura,
ta upral ucharen amen e krangura katar o sipres.
Currently Selected:
Kantares 1: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
