Eklesiastes 12
12
1De tut golli ande cho ternipe katar o Del kai cherda tut mai anglal te aven e llivesa bilache, ta e bursa kai ka phene:
Inai man veselia ande gala bursa, 2mai anglal te cherdol truniariko o kham ta o villelo, ta o chon ta e cheraia, ta te achel o bursin, ta te llantar e oblakura. 3Kana ka izdran e boñikura kai arakhen o cher, ta kana ka bangon e llene tromane, kana ka achen but cherricha thana kai ka moren e kuchorra, ta ka korraon e llene kai dikhen katar e penllerave. 4Kana ka avel gua llive ka phanglion e udara kai liken avri po drom, ka basen ios mai poloke e thana kai moren e kuchorra, ka usten kana ka llilaben e chiriklia, ta sa e chea katar o llilabipe ka aven zatrime, 5kana ka ave upre ka dara te dikhe tele ta ka avel dar pe droma,
ta ka liken e lulunlla po almendro,
ta e langosta ka avel iek pharipe
ta ka jasaol e bok.
Soke o manus llal kai po than ostade,
ta pe droma ka asundon e llene
kai roven pala leko meripe.
6De tut golli akana katar o Del kai cherda tut, mai anglal te chindol o lancho rupuno ta te phagol e kavi sunakuni, ta te phagol e piri pasa o lelleno, ta te phagol o tochko upral po bunari, 7ta o prajo irilpe kai e phuv gia sar saia, ta o duo irilpe kai o Del kai dia le.#Ekl 3.20-21.
8¡Ni mol niso! ¡Ni mol niso!
Gia phenel o lleno kai sikavel:
¡Sa ni mol le niso!
9So mai bizai saia o lleno kai sikavel, ios mai but bizaipe sikada e foro, ta cherda te asunen, ta cherda te roden, ta pisisarda but bizai alava. 10O lleno kai sikavel rodia e sukar alava, ta te pisil chachimaia e alava chache.
11E alava e bizaienge si sargo suvia, ta sargo chile marde ande phuv, kai phenel len iek chobano. 12Ta so sikolpe lendar chaurrea, si sar te chere e ezgode mai angle. Inai le son te chere but lila, ta chiniarel kana thove tut te siko but.
13Sa gaia orba kai asundan resel pe gaia ezgoda:
De liubao e Devle ta cher so phenen leke zakonura, soke gua si sa e manuseke. 14Soke o Del ka anel pe kris suako ezgoda kai cherdol, avela lachi o avela bilachi.
Currently Selected:
Eklesiastes 12: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
