Kantares 2
2
Voi
1Me sem e lulunllin katar o Saron,
ta lulunllin katar e umalia.
Vou
2E diskinia kai voliu, si maskar e diskinie
sargo iek lulunllin maskar e karrne.
Voi
3O manus kai voliu, si maskar e murusa terne
sargo iek kas phabaiengo maskar e kasta katar o vos.
¡Gia sukar si te besav tala leko lado!
¡Ta gia gugli si leki septelia!
4Inllarda man kai o cher kai saia e sinia,
ta leko volipe pe mande saia sargo iek bariako.
5De man te jav e drak suki,
de man zor e phabaienchar,
soke nasuali sem katar o volipe.
6Leko va o stingo te avel telal katar mo soro,
a leko va o chacho te lipil man pe pete.
Vou
7Jan mange sovel chea katar o Jerusalem
ando anav katar e zivirinie kai prasten ando vos,
kai ka muken la te sovel, voi si mo volipe.
Muken la te sovel lligo ni ka mangel te ustel.#Knt 3.5; 8.4.
O duito llilabipe
Voi
8¡Avel o lleno kai voliu le, asunav leko avazi!
Avel ta jutel upral pe burdura,
jutel upral pe umalia.
9Gole kai voliu si sargo iek bakro katar e burdura,
¡Avilo, vou si pala o zido
ta dikhel katar e penllerava,
prezol maskar o putardipe katar e kastorra!
10Gole kai voliu phenda mange gia:
Uste, mi amal, tu san sukar, aide.
11Soke o viend nakhlo
ta o bursin llelotar,
12sikadile e lulunlla pe phuv,
ta avilo o vreme katar o llilabipe,
ta ande amari phuv
asundilo o avazi katar e chiriklia.
13O kas dia e simochine,
ta e drakha khanden sukar.
Tu san mi amal, tu san sukar,
Uste, mi amal, ta aide.
14Tu san mo gulubo, san gurudini maskar e pechine,
pe thana kai si chak upre kai nasti reselpe.
Muk te dikhav cho mui,
cher te asunav cho avazi,
soke cho avazi si guglo, ta san sukar.
E dui
15Istaren e lisichen, e minone lisichen,
kai murin amare drakha,
amare drakha kai akana si lulunlla.
Voi
16O lleno kai voliu si murno, ta me sem leki.
Vou pravarel pe bakren maskar e lulunlla.#Knt 6.3.
17Lligo ni ka likel o kham
ta ka nasel o truniariko,
irisao manusea kai voliu tut,
ta cherdo sargo iek venado,
sargo iek siervo minono
pe burdura katar o Beter.
Currently Selected:
Kantares 2: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
