Apokalipsis 9
9
E panchto tuturuga
1O panchto suecho basalda e tuturuga ta dikhlem iek cherain kai pelitar katar o miloso pe phuv, ta avila lake dino o klucho katar o bunari katar e jar. 2Ta putarda o bunari katar e jar ta likisto thuv sargo o thuv kai likel katar iek bari furnava. Ta o kham cherdilo truniariko, ta i e balav cheres o thuv e bunareko.#Jen 19.28. 3Ta katar o thuv likiste langoste upral pe phuv ta avila lenge dini e zor kai si len e alakranura e phuviake.#Ek 10.12-15. 4Ta phendilo lenge te na zatrin e patra e phuviake ta nisavo zenelipe ta ni iek kas samo te zatrin e manusen kai ni saia len o sello e Devleko pe lengo chikat.#Ez 9.4. 5Ta avila lenge dino te na mundaren len samo te patin len panch chon ta lengi patnia saia sargo kana pusavel e manuse iek eskorpion.
6Ta ande gola llivesa e manusa ka roden o meripe ta ni ka malaven le, ka mangen te meren a o meripe ka nasel lendar.#Job 3.21; Jer 8.3.
7E langoste sea sargo gra lacharde e marimake. Pe lenge sore inllarena sargo korone sunakune, ta lenge muia sea sargo muia manusenge.#Jl 2.4. 8Lenge bal sea sargo bal diskiniake, ta lenge danda sea sargo lionoke.#Jl 1.6. 9Pe lengi esnaga sea kore sastrune ta lenge pakha asundona sargo but bordona kai chirden len e gra kana prasten po maripe.#Jl 2.5. 10Saia len poria sargo e eskorpionura ta i saia len suvia, ta pe lenge poria saia len e zor te dukhaven e manusen panch chon. 11Ta lengo charo si o suecho katar e jar, ta leko anav ando ebreo si Abadon, ta ando griego si Apolion.
12O purvo tesko nakhlo; a achen ios dui.
E sovto tuturuga
13O sovto suecho basalda e tuturuga ta asundem iek avazi maskar e singa katar o altar sunakuno kai si angla o Del.#Ek 30.1-3. 14Ta phenda e soutone suechoke kai saia le e tuturuga: putar e stare suechonen kai si phangle pasa e bari len kai ikhardo Eufrates. 15Ta avile mukliarde e star suechura kai sea lacharde te mundaren ando saiato o llive o chon ta burs iekhe katar suako trin llene. 16Ta e boñikura kai llana pe gra sea dui stotine millonura, ta me asundem pe gachin sea.
17Gia dikhlem sargo ande iek suno e gra ta e boñikura kai llana pe lende kai sea len kore sastrune sargo e iagake sargo o safiro ta sargo o asufre. Ta e grastenge sore sea sargo sore lionoke ta katar lenge muia likela iag, thuv ta asufre. 18Ta cheres gala trin zatranie mule iek katar suako trin llene cheres e iag o thuv ta o asufre kai likela katar lengo mui. 19Soke e zor e grastengi saia ande lengo mui ta ande lenge poria soke lenge poria sargo sapa saia len sore ta zatrina lenchar.
20Ta ogola manusa kai ni mule cheres gala zatranie, ni gia ni keisaile katar e ezgode kai cherena pe vastenchar ta ni mukle te blagosin e llavolonen ta e delen kai si cherde katar o sunakai, katar o rup katar o tuch katar o barr ta katar o kas, a gola dela ni dikhen ni asunen ta ni phiren.#Sal 115.4-7; 135.15-17; Dn 5.23. 21Ta ni keisaile katar o mundaripe kai cherena ni katar o drabaripe ni katar o kurvaluko ni katar o choripe.#Os 4.12.
Currently Selected:
Apokalipsis 9: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
