Apokalipsis 8
8
O eftato sello
1Kana o Bakro putarda o eftato sello, ni asundilo niso ando miloso llik kai o dopas o saiato.
2Mapalal dikhlem efta suechura pe porrne angla o Del, ta avila lenge dine efta tuturuge. 3Ondaka avilo aver suecho kai anela iek insensario sunakuno ta thodape angla o altar ta avila leke dino but taimano te thovel le e molimaia kai cherela o santo foro po altar sunakuno kai saia angla o trono.#Ek 30.1,3; Am 9.1; Sal 141.2; Apo 5.8. 4Ta katar o va e suechoko o thuv katar o taimano ta o molipe katar o santo foro llelo upre angla o Del. 5Ondaka o suecho istarda o insensario ta pherdale iag katar o altar ta chudiale pe phuv; ta saia germipe, avazura esterliche, ta e phuv dermosaili.#Lv 16.12; Ez 10.2; Ek 19.16; Apo 11.19; 16.18.
6Ta e efta suechura kai saia len e efta tuturuge thodepe te basalen len.
E star purve tuturuge
7O purvo suecho basalda e tuturuga ta pela pe phuv krupe ta iag amime e ratea, ta chudinaile pe phuv. Ta iek katar suako trin kasta phabile, ta phabile sa e patra zenele.#Ek 9.23-25; Ez 38.22.
8O duito suecho basalda e tuturuga, ta sargo iek baro burdo kai phabol chudinailo ande mora, ta iek katar e trin riga e morake cherdile rat.#Ek 7.17-21. 9Ta muletar iek katar suako trin zivirinie kai sea ande mora, ta iek katar suako trin llimie zatrisaile.
10O trito suecho basalda e tuturuga ta katar o miloso pelitar iek bari cherain kai phabola sargo iek antorcha, ta peli upral pe iek katar suako trin lena ta pe paia kai liken katar e phuv.#Is 14.12. 11Ta e cherain ikhardol Ajenjo; ta iek katar suako trin riga e paieke cherdile ajenjo, ta but llene mule cheres gola paia kai cherkile.#Jer 9.15; 23.15.
12O starto suecho basalda e tuturuga ta avile ranime iek katar e trin riga e khameke ta katar o chon ta katar e cheraia te sai cherdon truniariko iek katar suako trin lendar ta te na avel villelo ande iek katar suako trin vreme e lliveseke ta i e rachake.#Ek 10.21-23; Is 13.10; Ez 32.7; Jl 2.10,31; 3.15.
13Ta mapalal dikhlem ta asundem iekhe suecho kai furiala po maskaral katar o miloso ta phenela bare avazea: ¡Tesko, tesko e llenenge kai zivin pe phuv cheres ogola tuturuge kai si te basalen e trin suechura!
Currently Selected:
Apokalipsis 8: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
