Apokalipsis 10
10
O suecho ta o lil minono
1Mapalal dikhlem aver suecho zuralo kai fuliela katar o miloso ande iek oblako ta pe leko soro saia e korona ta leko mui saia sargo o kham ta leke porrne sargo kasta iagake. 2Ta ande leko va saia iek lilorro putardo ta thoda po porrno o chacho pe mora ta o estingo pe phuv. 3Ta phenda bare avazea gia sar basel o liono, ta kana phenda bare avazea efta esterliche asundile lenge avazura. 4Mapalal kana asundile e avazura katar e efta esterliche, me lava te pisiv ta asundem iek avazi katar o miloso kai phenela mange, phande e ezgode kai e efta esterliche phende ta na pisisare len.
5Ta o suecho kai dikhlem pe porrne pe mora ta upral pe phuv vazdia po va ando miloso. 6Ta jala sovel pe gua kai zivil ostade kai cherda o miloso ta e ezgode kai si ande lete ta e phuv ta e ezgode kai si ande late ta e mora ta e ezgode kai si ande late kai o vreme ni ka avel ios 7Ta kai ande llivesa katar o avazi katar o eftato suecho kana vou ka thovelpe te basalel e tuturuga ka cherdol e volia gurudini e Devleki gia sar vou phendaia le pe eslugenge e poraukura.#Ek 20.11; Dt 32.40; Dn 12.7; Am 3.7.
8O avazi kai asundem katar o miloso dia pale orba manchar ta phenda:
Lla ta le o lilorro kai si putardo ando va katar o suecho kai si pe porrne upral pe mora ta upral pe phuv. 9Ta llelem kai o suecho ta phendem leke te del man o lilorro ta vou phenda mange, le ta jale ta ka cherkiarel cho lli ande cho mui ka avel guglo sargo o aullin.
10Ondaka liem o lilorro katar o va e suechoko ta jalemle ta saia guglo ande mo mui sargo o aullin a kana jalemle cherkiarda mo lli.#Ez 2.8—3.3. 11Ondaka vou phenda mange, trubul te porauki pale pe but forura, phuvia, chibia ta charura.
Currently Selected:
Apokalipsis 10: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
