Apokalipsis 7
7
E 144 milie sellaura
1Mapalal katar gala ezgode, dikhlem star suechura pe porrne pe star riga e phuviake, ta achavena e star balavia te na phurdel ni iek balav pe phuv ni pe mora ni pe nisavo kas.#Jer 49.36; Dn 7.2; Zak 6.5. 2Ta i dikhlem aver suecho kai likela katar likel o kham, ta saia le o sello katar o Del o llundo ta urkisarda bare avazea pe star suechura, gola kai saia lenge dini e zor te zatrin pe phuv ta pe mora, 3ta phenda:#Ez 9.4,6.
¡Na zatrin e phuvia ni e mora ni e kasten, lligo ni ka thova o sello po chikat katar e esluge amare Devleke!
4Ta asundem gachin sea e llene kai saia pe lende o sello:
Stotina ta saranda ta star milie katar e desudui viche e Israeleke. 5Katar e vicha e Judaeki, desudui milie saia pe lende o sello. Katar e vicha e Rubeneki, desudui milie. Katar e vicha e Gadeki, desudui milie. 6Katar e vicha e Asereki, desudui milie. Katar e vicha e Neftalieki, desudui milie. Katar e vicha e Manaseki, desudui milie. 7Katar e vicha e Simeonoki, desudui milie. Katar e vicha e Levieki, desudui milie. Katar e vicha e Isakareki, desudui milie. 8Katar e vicha e Zabulonoki, desudui milie. Katar e vicha e Joseeki, desudui milie, ta katar e vicha e Benjamineki, desudui milie.
9Mapalal katar gala ezgode dikhlem iek baro sueto kai niko nasti llinela le, sea katar sa e phuvia, viche, forura ta chibia kai sea pe porrne angla o trono ta angla o Bakro furiade ando parno ta ande lenge va sea krangura katar e palmera. 10Ta sa urkina bare avazea ta phenena:
¡O braduipe si amare Devleko
kai besel po trono
ta i e Bakreko!
11Ta sa e suechura sea pe porrne truial katar o trono ta katar e phure ta e star zivotura. Ta die changa angla o trono ta lengo mui reslo llik pe phuv, ta blagosisarde e Devle 12ta phenena:
¡Gia te avelpe!
O blagosipe, o baripe,
o bizaipe, e fala, o liubao ta e zor
te aven e Devleke ostade.
¡Gia te avelpe!
13Ondaka iek katar e phure puchla man: ¿ko si gala kai si furiade ando parno, ta katar avile? 14Me phendem leke: Tu llanele, gazda Vou phenda mange: Gala si kai nakhle e bari patnia, kai jalade pe patave ta parniarde len ando rat e Bakreko:#Dn 12.1; Mt 24.21; Mk 13.19; Jn 1.29; 1 Jn 1.7.
15Goleke von si angla o trono e Devleko,
ta radin ollivesea ta orachaia ando leko cher.
Ta gua kai besel po trono
ka buliarel lenge pi chara.
16Nikada ios ni ka aven bokhale ni trusale,#Sal 121.6; Is 49.10.
ta o kham ni ka del ios pe lende,
ta ni ka avel lenge tatipe
17soke o Bakro kai si po maskaral katar o trono,#Sal 23.1; Ez 34.23; Jn 10.1-16; Is 49.10; Jn 4.10; 7.37; Apo 21.4.
ka avel lengo chobano
ta ka inllarel len kai si o pai o llundo,
Ta o Del ka kosel sa e ausa katar lenge akha.
Currently Selected:
Apokalipsis 7: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
