Apokalipsis 6
6
E sellura
1Mapalal dikhlem kai o Bakro putarda o purvo katar e efta sellura, ta asundem kai iek katar e star zivotura phenela iekhe avazea sargo germipe: ¡Aide ta dik! 2Ondaka dikhlem iek gra parno ta gua kai llala pe lete inllarela ande po va iek arko, ta avila leke dini iek korona, soke dobisarda ta likisto te dobil ios.#Zak 1.8; 6.3,6.
3Kana o Bakro putarda o duito sello, asundem kai o duito zivoto phenela: ¡Aide ta dik! 4Ta likisto aver gra kai saia lolo, ta gua kai llala pe lete avila le dini e zor te lel katar o sueto e pas, ta te cherel e llenen te mundaren iek avere, ta avila leke dino iek baro jarni.#Zak 1.8; 6.2.
5Kana o Bakro putarda o trito sello, asundem kai o trito zivoto phenela: ¡Aide ta dik! Ta dikhlem iek gra kalo, ta gua kai llala pe lete saia ande leko va iek balansa.#Zak 6.2,6. 6Ta maskar e efta zivotura asundem iek avazi kai phenela:
Iek kila lliu pe iek denario, a trin kile sebada pe iek denario, a na murisar ni o zeitino ni e mol.
7Kana o Bakro putarda o starto sello, asundem o avazi katar o starto zivoto kai phenela:
¡Aide ta dik! 8Ta dikhlem iek gra galbeno, ta gua kai llala pe lete ikhardola Meripe. Ta pala le llala o baro meripe, ta avila leke dino te gazdaril pe iek katar e star riga e suetoke te mundarel e jarniea, e bokhaia, e nasualimaia kai mundarel, ta e zivirinienchar, kai si dive pe phuv.#Ez 14.21.
E panchto ta e souto sellura
9Kana o Bakro putarda o panchto sello, dikhlem telal katar o altar e duura katar e llene kai mundarde len pala e alava e Devleke, ta pala e ezgode kai cherena. 10Ta phenena bare avazea: Gazda santo ta chachuno, ¿kana ka chine e kris golenge kai zivin ando sueto te pochinen amaro meripe? 11Ondaka avile lenge dine patave parrne, ta phendilo lenge te aduricharen cherricha ios vreme, te getonpe e llene ta e phlal kai saia te mundaren len sargo len.
12Dikhlem kana o Bakro putarda o souto sello, ta e phuv dermosaili but zurale. O kham kalilo sargo angar, ta o chon lolilo sargo o rat.#Is 13.10; Jl 2.10,31; 3.15; Mt 24.29; Mk 13.24-25; Lk 21.25; Apo 11.13; 16.18. 13E cheraia peletar e milosotar pe phuv, sargo kana o kas e simochinengo peravel e simochine kana miskol le iek bari balav. 14A o miloso ni dikhilo ios, sargo kana ulilpe iek lil, ta sa e burdura ta sa e isle miskosaile katar po than.#Is 34.4; Apo 16.20. 15Ta e charura e suetoke, e bare, e barvale e bare sudura, e zurale ta sa e esluge ta gola kai ni sea esluge, gurudile ande burdura ta maskar e pechine e burdonenge#Is 2.19,21. 16ta phenena e burdonenge ta e pechinenge: ¡Peren pe amende ta guruven amen katar o mui goleko kai besel po trono ta katar e Bakreki joli!#Os 10.8; Lk 23.30. 17Soke avilo o baro llive katar leki joli; ¿ko ka achel pe porrne ande gua llive?#Is 13.6; Ez 30.2-3; Jl 1.15; 2.11; Am 5.18-20; 8.9-14; Sof 1.14-18; Mal 3.2.
Currently Selected:
Apokalipsis 6: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
