Apokalipsis 5
5
O lil ulime ta o Bakro
1Ta dikhlem ando va o chacho goleko kai besela po trono iek lil ulime pisime andral ta i avrial, ta saia phanglo efta sellonenchar.#Is 29.11; Ez 2.9-10; Zak 5.1. 2Ta dikhlem iek suecho zuralo kai phenela bare avazea: ¿Ko si lacho te sai putarel o lil? 3Ta niko ni ando miloso ni pe phuv ni telal katar e phuv ni telal katar e mora nasti putarela o lil ni te dikhel le. 4Ta me rovava but, soke niko ni saia lacho te putarel o lil, ni te chitil le ni te dikhel le. 5A iek katar e phure phenda mange: Na rou ios, soke o liono katar o Juda dobisarda te putarel e efta sellura ta te dikhel o lil.#Jen 49.9; Is 11.1,10; Jn 16.33; Apo 3.21.
6Ondaka dikhlem kai maskar o trono ta e star zivotura ta maskar e phure, saia iek Bakro pe porrne sargo iek kurbano, ta sea le efta singa ta efta akha, gala si e efta duura e Devleke kai si bichalde pe sa o sueto.#Is 53.7; Zak 4.10. 7Ta avilo ta lia o lil kai saia ando va o chacho katar gua kai besela po trono. 8Ta kana lia o lil, e star zivotura ta e bis ta star phure die changa angla o Bakro. Ta saurre saia len arpe ta tasura sunakune pherde taimano, kai si o molipe katar o foro santo.#Sal 141.2; Apo 8.3. 9Ta llilabena iek llili nevi kai phenel gia.#Sal 33.3; 98.1; Is 42.10.
Lacho san te le o lil ta te putare leke sellura,
soke tu sana o kurbano;
ta che ratea pochindan amen e Devleke
katar suako vicha, chib, foro ta phuv.
10Ta cherdan amen#Ek 19.6; Apo 1.6; 20.6.
amare Devleke charura ta popura
ta ka charoi pe phuv.
11Ta dikhlem, ta asundem e avazura katar but suechura kai sea truial katar o trono, ta katar e zivotura, ta e phure. Ta e suechura sea millonura ta millonura,#Dn 7.10. 12ta phenena bare avazea:#Jn 1.29; 1 Kor 5.7.
¡O Bakro kai saia kurbano:
si lacho te lel o gazdaripe ta o barvalipe,
o bizaipe e zor, o liubao, o baripe ta o blagosipe!
13Ta i sa so si cherdo ando miloso, pe phuv ta telal katar e phuv ta ande mora, ta sa e ezgode kai si ande lende, phenena gia:
¡Goleke kai si besindo po trono ta i e Bakreke,
te avel o blagosipe, o liubao o baripe ta e zor
ostade!
14Ta e star zivotura phenena: ¡Gia te avelpe! Ta e bis ta star phure die changa, ta thode po mui llik pe phuv, ta blagosisarde gole kai zivil ostade.
Currently Selected:
Apokalipsis 5: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
