Apokalipsis 4
4
O blagosipe ando miloso
1Mapalal katar gala ezgode, dikhlem iek udar putardo ando miloso; ta o avazi kai asundem mai anglal saia sargo iek tuturuga ta phenda mange:
Like karinga, ta me ka sikavav chuke e ezgode kai si te aven mapalal katar gala.
2Ta isto kote me achilem ando Duo ta dikhlem iek trono thodo ando miloso, ta vareko besela pe lete. 3Gua kai besela saia sargo iek rubi o sargo iek diamante, ta truial katar o trono saia iek korona kai saia sargo iek esmeralda.#Ez 1.26-28; 10.1. 4Ta truial katar o trono sea ios bis ta star tronura, ta bis ta star phure kai besena pe lende: ta lenge patave sea parrne ta pe lenge sore sea korone sunakune. 5Katar o trono likena esterliche, germipe ta avazura. Ta angla o trono phabona efta lampare iagake, kai si e efta duura e Devleke.#Ek 19.16; Ez 1.13; Zak 4.2; Apo 1.4; Apo 8.5; 11.19; 16.18. 6Ta angla o trono saia sargo iek mora serchavaki kai saia but bristi.#Ez 1.22.
Ta pasa o trono ta truial katar o trono, sea star zivotura pherde akha, anglal ta i palal. 7O purvo zivoto saia sargo iek liono, o duito sargo guruv, o trito leko mui saia sargo manuseko, ta o starto sargo iek agila kana furial.#Ez 1.5-10; 10.14. 8Ta suako iek katar e star zivotura sea len sou pakha, ta truial ta andral sea pherde akha. Ta ni orachaia ni ollivesea ni achena te phenen:#Is 6.2-3; Ez 1.18; 10.12.
¡Santo, santo, santo si o Gazda,
o Del kai si le sa e zor,
Gua kai saia, kai si, ta kai si te avel!
9Suako drom kana gola zivotura blagosin ta den liubao, ta den fala gole kai besel po trono, 10e bis ta star phure den changa angla gua kai besel po trono ta blagosin gole kai zivil ostade, ta thoven pe korone angla o trono ta phenen:
11Gazda, tu san lacho
te ave blagosime te den tut o liubao, ta te chudenpe katar chi zor,
soke tu cherdan sa e ezgode
ta pala chiri volia si ta cherdile.
Currently Selected:
Apokalipsis 4: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
