Apokalipsis 3
3
E poroka pala e Sardes
1Pisisar i e suechoke katar e khanlliri kai si ando Sardes: Gia phenel gua kai si le e efta duura e Devleke ta e efta cheraia: Me llanav so chere ta llanav kai pinllaren tut kai san llundo, a tu san mulo. 2Goleke thov sama ta lachar ogola ezgode kai si te meren, soke dikhlem kai e ezgode kai chere inai chache angla o Del. 3Goleke de tut golli so lian ta so asundan ta cher le, keisao soke te na prezosardan, me ka avav pe tute sargo iek chor, ta ni ka llane o saiato kana ka avav pe tute.#Mt 24.43-44; Lk 12.39-40; Apo 16.15. 4A ando Sardes si tut nesave llene kai ni makhle pe patave, von ka llan manchar furiade ando parno soke dobisarde. 5O lleno kai ka dobil ka furiavav le parrne patavenchar, ta ni ka ikanav leko anav kai si pisime ando lil e zivotoko, ta ka phenav angla mo Dad ta angla leke suechura kai me pinllarav gole llenen.#Ek 32.32-33; Sal 69.28; Mt 10.32; Lk 12.8; Apo 20.12. 6¡O lleno kai si le kan te asunel so phenel o Duo e khanllirenge!
E poroka pala e Filadelfia
7Pisisar i e suechoke katar e khanlliri kai si ande Filadelfia: Gia phenel o Santo, o chachuno, gua kai si lete o klucho katar o David, gua kai kana putarel niko nasti phandel, ta kana phandel niko nasti putarel:#Is 22.22; Job 12.14. 8Me llanav so chere ta thodem angla tu iek udar putardo kai niko nasti phandel, soke ni san but zuralo a cherdan so phenen me alava, ta ni phendan kai ni pinllare mo anav. 9Gole llenen kai si katar e khanlliri e judionengi kai si e Satanaseki, kai phenen kai si judiura a von inai ta kojaven, me ka cherav te den changa angla che porrne, ta te llanen kai me volisardem tut.#Is 43.4; 49.23; 60.14. 10Goleke soke kandian me alava me terpimake, i me ka arakhav tut kana ka avel o saiato katar o zumadipe, kai ka avel pe sa o sueto te aven zumade sa e llene kai zivin pe phuv. 11Me avav oma. Na muk so si tut, te na lel niko chi korona. 12Gua kai ka dobil me ka cherav te avel sargo o zido kai istarel o cher me Devleko, ta nikada ios ni ka likel kotar; ta ka pisiv pe lete o anav me Devleko ta o anav katar e foro me Devleko, o nevo Jerusalem, kai fuliel katar o miloso, ta i ka pisiv pe lende mo anav o nevo.#Is 62.2; 65.15; Apo 21.2. 13¡O lleno kai si le kan te asunel so phenel o Duo e khanllirenge!
E poroka pala e Laodisea
14Ta pisisar e suechoke katar e khanlliri kai si ande Laodisea:#Pr 8.22-31; Jn 1.3; Kol 1.15,18.
Gia phenel o Amen, gua kai del e orba e chachi ta si chacho, o purvo katar so cherda o Del. 15Me llanav so chere kai ni san ni sudro ni tato. ¡Mai sukar avilaia te avilana sudro o tato! 16A soke san maklome, ta ni san sudro ni tato, ka chadav tut katar mo mui. 17A tu phene: me sem barvalo, barvailem ta niso ni trubul man; a ni llane kai inai tut veselia ta san iek lakomo, chorro, korro ta nango. 18Goleke me phenav chuke: te chine mandar sunakai chistome ande iag te sai ave barvalo, ta patave parrne te sai furiado ta te na dikhol o lallao katar cho nangipe, ta thov pe che akha kolirio te sai dikhe. 19Me dav pe sa gola kai voliv ta dukhavav len, goleke trudisao ta keisao.#Pr 3.12; Ebr 12.6. 20Me sem po udar ta ikharav; a vareko te asunela mo avazi ta te putarela o udar, me ka dav ande lete ta ka jau lea, ta vou manchar. 21Gua kai ka dobil ka dav le te besel manchar pe mo trono, gia sar me dobisardem ta beslem me Dadea pe leko trono.#Jn 16.33; Apo 5.5. 22¡O lleno kai si le kan te asunel so phenel o Duo e khanllirenge!
Currently Selected:
Apokalipsis 3: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
