Apokalipsis 19
19
1Mapalal katar gala ezgode, asundem avazura e bare avazura e suetoke ando miloso kai phenena:
¡Aleluia!
O braduipe, o liubao, o baripe ta e zor
si e Gazdake amaro Del,
2soke leke krisa si chachune ta chache;#Dt 32.43; 2 R 9.7.
soke krisisarda e bare kurvichka
kai cherda te murilpe o sueto ande lako kurvaluko
ta cherdala te pochinel
o meripe katar leke esluge.
3Ondaka pale phende:#Is 34.10.
¡Aleluia!
Ta lako thuv vazdiniaol ostade.
4Ta e bis ta star phure ta e star zivotura, die changa ta blagosisarde e Devle kai besela po trono, ta phenena: ¡Gia te avelpe! ¡Aleluia! 5Ondaka likisto katar o trono iek avazi kai phenela:#Sal 115.13.
¡Blagosisaren amare Devle
sa leke esluge
ta gola kai daran letar
minone ta i bare!
6Ta i asundem o avazi katar iek baro sueto, sargo kana basen but paia, ta sargo avazura katar e bare germipe kai phenela:#Sal 93.1; 97.1; 99.1; Ez 1.24.
¡Aleluia!
Soke o Gazda amaro Del
kai si le sa e zor charoil.
7Veseli amen,#Ef 5.23-32.
ta pherdiva dragostia ta da le o baripe,
soke avilo o biau e Bakreko
ta leki rromi lachardape.
8Ta lake si dino te furiadol#Apo 7.14.
ando lino kuch chisto ta kai klichil
soke o lino kuch si e ezgode lache
kai cherel o santo foro.
9Ta o suecho phenda mange: Pisisar: Blagosime gola kai si ikharde pe sinia katar o biau e Bakreko. Ta phenda mange: Gala si alava chachune e Devleke.#Mt 22.2-3.
10Me diem changa angla e porrne e suechoke te blagosiv le, a vou phenda mange: Na cher gua, soke me sem esluga sargo tu ta sargo che phlal kai pachan ande orba e chachi e Jesuseki. Blagosisar e Devle.
Soke e orba e chachi e Jesuseki si o Duo katar e porauka.
O lleno po gra parno
11Ondaka dikhlem o miloso putardo; ta iek gra parno, ta o lleno kai llala po gra ikhardola Chacho ta Chachuno, marelpe ta krisil chachimaia.#Sal 96.13; Is 11.4; Ez 1.1. 12Leke akha sea sargo plameko iagako, ta pe leko soro sea but korone, ta saia le iek anav pisime kai niko ni pinllarela samo vou.#Dn 10.6. 13Saia furiado iekhe patavenchar kai sea makhle ando rat, ta leko anav si: o Alav e Devleko.#Jn 1.1,14. 14Ta e boñikura e milosoke furiade ando lino but kuch parno ta chisto, llana pala le pe gra parrne. 15Ta katar leko mui likel iek jarni sano te ranil e phuvien, ta vou ka gazdaril len ikhe kastea sastruno, ta vou ustavel o than kote kai cherdol e mol katar e joli e Devleki kai si le sa e zor.#Sal 2.9; Is 63.3; Lm 1.15; Jl 3.13; Apo 14.20. 16Ta pe leke patave ta pe leki chang si pisime gava anav: Charo e charonengo ta Gazda e gazdengo.#Dt 10.17; Apo 17.14.
O jasardipe katar e azdava
17Ta dikhlem iek suecho kai saia pe porrne ando kham, ta phenda bare avazea sa e chiriklienge kai furian po maskaral katar o miloso: ¡Aven ta chidiniaon pe bari sinia e Devleki, 18te jan o mas katar e charura ta o mas e kapitanengo ta i zuralengo, mas grastengo ta i golengo kai llan pe lende, ta mas saurrengo, e llenengo kai si esluge ta e llenengo kai inai esluge, minonengo ta i barengo!#Ez 39.17-20.
19Ta dikhlem e azdava ta e charura e suetoke ta lenge boñikonen chidine, te marenpe golea kai saia po gra ta leke boñikonenchar. 20Te e azdava avili phangli, ta laia o kojamno profeta kai cherdaia angla la e bare ezgode kai gale ezgodenchar kojadaia e llenen kai liea e marka katar e azdava, ta kai blagosisardea lake slika. Ondaka e dui avile chudine llunde andre ande iek bari iag kai phabol ando asufre.#Apo 13.1-18. 21A ogola avile mundarde e jarniea kai likela katar o mui goleko kai saia po gra, ta sa e chiriklia chalile katar lengo mas.
Currently Selected:
Apokalipsis 19: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
