Apokalipsis 14
14
O Bakro ta e esvirime
1Mapalal dikhlem e Bakre kai saia pe porrne upral po burdo katar o Sion. Lea sea stotina ta saranda ta star milie llene, kai saia pisime pe lengo chikat o anav e Bakreko, ta leke Dadeko.#Ez 9.4; Apo 7.3. 2Ta mapalal asundem iek avazi sargo but paia kai avela e milosotar, sargo iek germipe zuralo; ta o avazi kai asundem saia sargo but llene kai basalen e arpe. 3Ta llilabena iek llili nevi angla o trono ta angla e star zivotura, ta angla e phure. Ta niko nasti sikola gaia llili, samo e stotina ta saranda ta star milie, kai sea braduime maskar e llene kai si pe phuv. 4Von si gola kai nikada ni amisaile diskinienchar. Von si gola kai llan pala o Bakro kaigo llal vou. Von si braduime maskar e llene, sargo so si dino mai anglal e Devleke ta e Bakreke.#Ek 23.19; Stg 1.18. 5Ta ande lenge muia ni maladilo kojaipe, soke angla o trono e Devleko von inai makhle.#Sof 3.13.
O Chavo e Manuseko ta sou suechura
6Dikhlem aver suecho kai furiala po maskaral katar o miloso ta inllarela e lachi viasta kai si ostade te phenel la e llenenge kai zivin pe phuv, kaigo si phuv, vicha, chib ta foro. 7Ta phenda bare avazea: Daran e Devletar ta blagosin le, soke o vreme katar leki kris avili. Ta blagosin gole kai cherda o miloso e phuv e mora ta o pai kai likel katar e phuv.
8Ondaka avilo aver suecho ta phenela: ¡Pelitar, pelitar e Babilonia o baro foro, soke cherda te pien sa e phuvia e mol katar lako kurvaluko!#Is 21.9; Jer 51.8; Apo 18.2.
9O trito suecho avilo ta phenela bare avazea: Vareko te blagosila e azdava ta lake slika ta te lela e marka pe po chikat o pe po va, 10i vou ka piel e mol katar e Devleki joli kai avilo thodo chisto ando taso katar leki joli; ta ka nakhel bari patnia ande iag ta ando asufre, angla e sante suechura ta angla o Bakro.#Jen 19.24; Sal 11.6; Ez 38.22; Is 51.17; Jer 25.15; Apo 16.19. 11Ta o thuv katar leki patnia likel ostade; ta gaia patnia ni achel, ni ollivesea ni orachaia, golenge kai blagosin e azdava ta i leke slika ta sa golenge kai len e marka katar leko anav.#Is 34.10.
12¡Kate si o terpipe katar o santo foro, gola kai cheren so phenel o zakono e Devleko ta o pachape e Jesuseko! 13Ondaka asundem iek avazi kai katar o miloso phenela mange: Pisisar blagosime katar angle gola llene kai meren ando Gazda.
Ea phenel o Duo, ka achen te lelpe lendar o chiñipe katar lenge radura.
14Ondaka dikhlem iek oblako parno, ta upral po oblako besela iek lleno kai dikhola sargo o Chavo e Manuseko: ta pe leko soro saia iek korona sunakuni, ta ande leko va iek jarni bangardo sano ta ostro.#Dn 7.13. 15Ta katar o cher e Devleko likisto aver suecho kai phenela bare avazea goleke kai besela po oblako: ¡Thov cho jarni bangardo ta chide so dia e phuv, soke avilo o vreme te chidiniaon e septelie kai dia e phuv soke si resle!#Jl 3.13. 16Ondaka gua kai besela po oblako thoda po jarni bangardo ta chidia e septelie kai dia e phuv.
17Mapalal likisto aver suecho katar o cher e Devleko kai si ando miloso, ta i le saia iek jarni bangardo sano ta ostro. 18Ta likisto katar o altar aver suecho kai gazdarila pe iag, ta ikharda bare avazea gole kai saia le o jarni bangardo, ta phenela:
¡Thov cho jarni bangardo ta chin e drak katar e kasta e phuviake, soke lake drakha si resle! 19O suecho chudia po jarni bangardo pe phuv ta chinda e drak katar e kasta e phuviake ta thoda e drak ando baro than, kote kai ustadon kai gua si e joli e Devleki. 20Ta avile ustade e drakha ando baro than avri katar o foro ta likisto rat kai reslo llik kai e salvaria e grastenge, ta reslo llik kai e trin stotine kilometrura duratar.#Is 63.3; Lm 1.15; Jl 3.13; Apo 19.15.
Currently Selected:
Apokalipsis 14: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
