Apokalipsis 15
15
E efta suechura ta e efta muke
1Dikhlem ando miloso aver bari ezgoda kai saia chudo:
Efta suechura kai saia len e efta zatranie kai si te aven pe phuv, ta mapalal katar gala ezgode, ka avel o son katar e joli e Devleki.
E efta tasura
2Ta i dikhlem sargo iek mora serchavaki amime iagaia, ta dikhlem golen kai reslea te dobin e azdava ta lake slika, ta ni mukle te thoven pe lende laki marka ni o numero katar lako anav, von sea pe porrne, pe mora serchavaki ta ande lenge va sea e arpe kai o Del diaia len 3Ta llilabena e Moiseseki llili, o esluga e Devleko ta e llili e Bakreki, ta phenena:#Ek 15.1-18.
Baro ta sukar si sa so cherdan,
Gazda, Devla kai si tut sa e zor
orta ta chachune si che droma,
Charo katar o santo foro.
4¿Ko ni ka daral tutar Gazda?#Sal 86.9; Jer 10.7.
¿Ta ni ka blagosil cho anav?
Soke samo tu san santo,
goleke sa e phuvia ka aven ta ka blagosin tut,
soke che krisa sikadile
5Mapalal katar gala ezgode, dikhlem kai ando miloso putailo o cher e Devleko, e chara katar e orba e chachi,#Ek 38.21. 6ta katar o cher e Devleko likiste e efta suechura kai inllarena e efta zatranie. Von sea furiade patavenchar kai sea cherde katar o lino chisto kai klichila, ta truial katar lengo brek inllarena kavisa sunakune. 7Ta iek katar e star zivotura dia e efta suechonen efta tasura sunakune, pherde katar e joli e Devleki kai zivil ostade. 8Ta o cher e Devleko pherdilo thuv katar e Devleko baripe ta katar leki zor, ta niko nasti dela andre lligo ni ka getonpe e efta zatranie katar e efta suechura.#Ek 40.34; 1 R 8.10-11; 2 Kr 5.13-14; Is 6.4.
Currently Selected:
Apokalipsis 15: BACHRO
Highlight
Copy
Compare
Share
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
