Salmos 80
80
¡Dik pe amende lachimaia!
Katar o lleno kai sikavel te llilaben prema e llili katar e lulunlla. Orba chachi ta llili katar o Asaf.
1Chobano katar o Israel asun,
tu kai inllare e Josee sargo iek stoka bakrengi,
kai cho trono si maskar e kerubinura, ¡sikado!#Ek 25.18-22; 1 S 4.4; 1 R 6.23; Sal 99.1; Is 37.16; Ez 1.26-28.
2¡Sikav chi zor angla o Efrain,
angla o Benjamin ta angla o Manases!
¡Ta aide te bradui amen!
3¡Ioi Devla!
Cher te ava sar sama omanglal,
¡Dik pe amende
ta ka ava braduime!
4Gazda, Devla, kai si tut sa e zor,
¿gachin ios ka ave joliariko
po molipe che foroko?#Sal 74.1.
5Cherdan te ja amare ausa sargo marrno,
pilam amare ausa sargo o pai.
6Cherdan te maren amendar espurnia
e llene kai zivin truial amendar,
ta amare dusmanura asan peke amendar.
7¡Ioi Devla kai si tut sa e zor!
Cher te ava sar sama omanglal,
¡Dik pe amende
ta ka ava braduime!
8Katar o Ejipto andan iek drak,
tradian e phuvien ta thodan la ande phuv.
9Chistosardan lake e phuv,
ta e drak cherda zile ta pherda sa e phuv.
10Ucharda e burdura pe senkaia,
ta lake krangura ucharde
e kasta katar e sedrura e Devleke.
11Lake krangura resle llik kai e mora,
ta llik kai o pai o Eufrates
barile lake drakhorra.
12¿Soke peradan laki bar
ta muklan te ikanen peke e drakha
sa e llene kai nakhen katar o drom?#Sal 89.41; Is 5.5.
13¡E bale dive zatrin la!
ta e zivirinie katar o vos jan la.#Is 5.1-7; 27.2-5; Jer 2.21; Ez 15.1-8; Os 10.1.
14Devla, kai si tut sa e zor,
irisao, me moliv man chuke,
dik pe amende katar o miloso
ta thov sama ta aide kai gaia drak,
15katar e drak kai isto tu thodan ande phuv,
katar e drakhorra kai tu dian len zor.
16Zatrisar jolinaia
golen kai chinde la ta phabarde la,
17a pomozisar e llene kai esvirisardan,
gole chaurre e manuseko kai dian le zor chuke.
18Ta nikada ios ni ka duriva tutar.
¡De amen zivoto, ta chuke ka moli amen!
19¡Ioi Gazda, Devla kai si tut sa e zor!
Cher te ava sar sama omanglal,
¡Dik pe amende
ta ka ava braduime!
Currently Selected:
Salmos 80: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
