Salmos 79
79
E duk pala e zatrania ando Jerusalem
Llili katar o Asaf.#Sal 74.
1¡Ioi Devla! e llene kai ni pachan ande tu
avile pe chi phuv,
mukle ando lallao cho santo cher,
mukle o Jerusalem sa ando phagipe.#2 R 25.8-10; 2 Kr 36.17-19; Jer 52.12-14; Lm 1.1-10.
2Mukle te jan e chiriklia esnage
katar che sluge,
o mas katar che sluge saia o jape
katar e zivirinie.
3Lengo rat chudie le sargo pai
ande sa o Jerusalem,
ta inai ko te prajol len.
4E llene kai zivin pasa amende
maren amendar espurnia,
asan peke amendar gola kai zivin truial amendar.
5¡Ioi Devla!
¿Gachin ios ka ave joliariko?
¿Sa o vreme ka phabol chi joli sargo e iag?
6¡Muk te perel chi joli pe forura
kai ni pachan ande tu,
kai ni pinllaren tut ta ni molinpe chuke!
7Soke von jale e Jakobe
ta phagle sa o foro.#Jer 10.25.
8Na cher te pochina amen
o bilachipe amare puranengo,
¡te avel oma cho volipe amende,
soke sam but chinie!
9¡Ioi Devla! amaro Braduimari,
¡pomozisar amen, kurtulisar amen
ta prostisar amen,
pala o baripe ta o volipe katar cho anav!
10Gola kai ni pachan inai soke te phenen:
¿Kaitalo tumaro Del?
¡Muk amen te dikha sar pochinen
o meripe katar che sluge!#Sal 42.3; Jl 2.17; Mik 7.10.
¡Te sai llanenle i gola kai ni pachan!
11Asun sar mangen tutar e phangle,
ta braduisar che bare zoriaia
golen kai chinade lenge o meripe.
12¡Ioi Devla! cher te pochinen efta droma
gola kai zivin ande forura kai si pasa amende
soke kusle tut,#Jen 4.24; Mt 18.21; Lv 26.21.
13a amen kai sam cho foro,
ta sam bakre katar chi umal zeleni
da tut fala suako llive,
¡ka llilaba ta ka blagosi cho anav ostade!#Sal 74.1; 95.7; 100.3.
Currently Selected:
Salmos 79: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
