Salmos 81
81
O postenipe e Devleko ta o bilachipe katar o Israel
E lleneke kai sikavel te llilaben. Ando salterio katar o Gat, e Asafeke.
1¡Llilaben veselimaia e Devleke kai si amari zor!
¡Urkin veselimaia ta blagosin e Devle katar o Jakob!
2Llilaben llilia prema o pandero,
basalen e gugli arpa ta e sitara.
3Basalen e tuturuga kana likel o nevo chon,
ta i kana likel e mesechina,
kai si o llive katar amari mai bari slava.#Lv 23.23-25; Nm 10.10.
4Soke gava si o zakono
kai o Del katar o Jakob dia e Israele,#Lv 23.33-44.
5gua si o zakono kai si sa dino e Joseeke,
kana vou likisto katar o Ejipto.
Asundem iek chib kai ni pinllarava:
6Liem o pharipe katar che zea,
liem tutar o rado pharo.
7Ande chi nuzda ikhardan man,
ta me braduisardem tut,
diem tuia orba katar o oblako kai girmila,
zumadem tut pasa o pai katar o Meriba.#Ek 17.1-7; Nm 20.13.
8Tu san mo foro,
asun so ka phenav chuke:
¡Daboida te kande man, Israel!
9Na muk te aven tut dela katar aver phuvia,
na de changa angla e dela kai ni pinllare.#Ek 20.2-3; Dt 5.6-7.
10Me sem o Gazda, cho Del,
gua kai ikanda tut katar o Ejipto.
Putar cho mui ta me ka dav tut te ja.#Ek 20.2.
11A mo foro ni kamla te asunel mo avazi,
¡o Israel ni kamla man!
12Goleke muklem te cheren pe piro,
ta zivisarde sar saia lenge drago.
13¡Te asundaia man mo foro!
¡Te lleloia o Israel pe me droma,
14but oma me peradema
lenge dusmanonen
ta vazdiema mo va pe gola
kai marenpe lenchar!
15Gola kai murzin po Del sai peleatar daratar,
ta achilea proketime ostade.
16O Del sai diaia pe foro te jal o mai lacho lliu,
ta sai diaia len o mai lacho aullin
katar e pechina te pravarel len.
Currently Selected:
Salmos 81: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
