Salmos 74
74
O molipe kai mangelpe te avel mukliardo o foro
Llili katar o Asaf.
1¡Ioi Devla!
¿soke muklan amen ostade?
¿Soke phabili chi joli
pe bakre katar chi stoka?
2De tut golli katar cho foro
kai pochindan le mai anglal,
kai pochindan le te avel chi vicha,
de tut golli katar o burdo Sion, kote kai zivisardan.#Ek 15.13,16.
3Aide te dikhe gaia bari zatrania kai inai la son,
¡amaro dusmano sa phagla ando santuario!
4Che dusmanura urkin ande chi chara
kote kai chidiniaivaia
ta thode pe bariakura te dikhon.
5Von si sargo e llene kai den ando vos
ta vazden o tover te chinen e kasta,
6e toverea ta e chokanoia
phagle amare ezgode kastune
kai dikhona sukar.
7Phabarde cho santuario,
¡mukle ando lallao o than katar cho anav
ta perade le pe phuv!
8Thode ande po lio te zatrin amen,
¡phabarde sa e sinagoge e Devleke pe phuv!
9Akana ni dikha e ezgode Devlikane,
ta inai ios poraukura,
ta ni llana gachin ios ka avelpe gaia ezgoda.
10¡Ioi Devla!
¿Gachin ios ka mukel amen ando lallao
amaro dusmano?
¿Gachin ios ka del bilache orbe tutar?
11¿Soke guruve cho va o zuralo?
¿Soke muke che va khuvde?
12A tu Devla san mo Charo,
sar kana saia o purano vreme.
Tu dobisardan but droma kate pe phuv:
13Tu putardan e mora che zoriaia,
tu pharradan e sore katar e bare azdave e morake,#Ek 14.21.
14ustadan e sore katar e azdava Leviatan
ta dian te jan len e zivirinie katar o pusto.#Job 3.8; 41.1; Sal 89.10; 104.26; Is 27.1.
15Tu cherdan o pai kai esvoril katar e phuv,
ta sukardan e paia kai ni sukona nikada.
16Chiri si e riat ta o llive,
tu thodan pe po than o chon ta o kham,#Jen 1.3-18.
17tu thodan sa e phuvien pe po than,
tu cherdan o milai ta o viend.
18De tut golli Devla, kai o dusmano kusel tut,
ta kai llene dile den bilache orbe tutar.
19¡Na bristar tut gachin amendar!
Amari zor si sargo katar iek gulubo,
¡na de amen kai e zivirinie dive!
20¡De tut golli katar cho alav kai dian amen,
sa e phuv si pherdi silnope kaigo te lla!
21Na muk te irilpe ando lallao o dukhado,
¡cher te blagosin tut e chorre ta e llene proste!
22¡Uste Devla! ¡Sikav cho chachipe!
¡De tut golli kai e dile kusen tut suako llive!
23Na bristar o urkipe katar che dusmanura,
ta kai urkin suako drom mai zurale
gola kai ni kanden tut.
Currently Selected:
Salmos 74: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
