Salmos 73
73
O postenipe e Devleko
Llili katar o Asaf.
1¡Gia lacho si o Del e Israelea,
golenchar kai lengo lio si chisto!
2Cherricha ios ta pelematar,
pase sema te sinzan me porrne.
3Soke saia mange joli kai barvaona
e llene bilache ta kai istardona.
4Lenge ni chitilpe o meripe
soke si zurale ta saste,
5ni nakhle e duk kai nakhen e manusa
ta ni sea ande nuzda sargo sa e llene.
6Goleke e korona pe lengo soro si o baripe
ta lenge patave si o silnope,
7lenge akha mangen te juten thulimatar
ta achardol pe lende lengo bilachipe.
8Maren espurnia ta thoven kasti
te cheren o bilachipe silnomaia,
9kusen e Devle ta e sueto.
10Goleke o Del ka cherel te irilpe leko foro kate
ta ka avel lenge ikando but pai.
11Mislinpe kai o Del ni llanel le.#Job 22.13-14; Sal 10.4,11; 14.1; 53.1; Is 29.15.
12¡Dikhen pe gala llene bilache!
Sa poloke bariol lengo barvalipe binuzdako.
13¡Ni mol mange niso te avel chisto mo lio
ta te aven chiste me va katar o bilachipe!
14Soke sorro llive maren man
ta suako thiarin dukhaven man,#Job 21; Jer 12.1-4; Jab 1.
15Te diema orba sargo von,
kojadema e porodo katar che chaurre.
16Kana mangava te acharav gaia ezgoda,
avila mange but trudno.
17A kana diem ando santuario e Devleko
llanglem savo ka avel lengo son:
18thodan len po than kai sinzan e porrne,
ta ka chere len te peren ande zatrania.
19¡But oma ka achen zatrime!
¡E dar ka zatril len!
20Kana tu Devla ka uste,
ka avel sargo iek suno
ta ka bristare len.
21Sema pherdo zalba
ta dukhala man mo lio,
22soke sema dilo ta ni acharava,
¡angla tu sema sargo iek zivirinia!
23A me, suako llive sema tuia,
istardan man katar mo va o chacho,
24che orbaia sikadan man sar te phirav
ta mai angle ka le man blagosimaia.
25¿Ko si man ando miloso? ¡Samo tu!
Te sem tuia, ni kamam niso pe phuv.
26Mi esnaga murilpe ta mo lio,
¡a so si te lav ostade si e Devle
kai si e pechina katar mo lio!
27Gola kai ka durion tutar, ka meren,
ta ka zatri golen kai ka llantar tutar.
28A me ka avav pasa o Del,
soke vou si mange o mai baro sukaripe.
Tu, Gazda ta Del, tu arakhe man
ta ka phenav sa sogo cherdan.
Currently Selected:
Salmos 73: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
