Salmos 75
75
O Del o Krisari
Katar o lleno kai sikavel te llilaben. Na zatrisar. Llili ta llilabipe katar o Asaf.
1¡Ioi Devla da tut fala!
Devla da tut fala,
soke cho anav si pasa amende,
e manusa phenen e bare ezgode kai cherdan.
2O Del phenel:
Ando vreme kai me ka phenav,
ka krisiu chachimaia.
3Kana dermolpe e phuv ta e llene kai si pe late,
me istarav chak telal lake barra te na perel.
4E llenenge kai si barikane phenav:
Na cheren tumen gia dile,
ta golenge kai ni pachan:
te na aven gia barikane.
5Na sikaven gachin tumari zor
ta cheren tumen barikane kana den orba.
6Soke e kris ni avel
katar likel o kham, ni katar perel,
ni katar o pusto, ni katar e burdura,
7soke o krisari si o Del:
nesaven thovel len ando lallao
a averen bariarel len.
8Ande Devleko va si o taso katar leki joli,
sargo mol amime kai matarel.
Kana peravel e mol,
sa e bilache llene kai si pe phuv,
ka pien sa goia mol.#Jer 25.15-29; Ez 23.32-34; Jab 2.16; Apo 14.10; 16.19.
9A me, suako llive ka dav orba ta ka llilabav
e Devleke, o Del katar o Jakob,
10soke vou ka phagel o baripe katar e bilache,
a ka bariarel e zor katar o manus chacho.
Currently Selected:
Salmos 75: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
