Salmos 72
72
Molipe pala o charo
Katar o Salomon.
1¡Ioi Devla! de e charo chi kris
ta leke chaurre cho chachipe,
2te charoil che foro chachimaia
ta i e che llenen kai si chorre.
3Sa e burdura ka anen pas ta chachipe e foroke.
4¡Vou ka cherel o chachipe e chorrenge!
¡Ka braduil e minonen kai lenge dada si chorre
ta ka ustavel e llenen kai radin pe averengi zor!
5Ka daran tutar suako llive,
¡sogo avela o kham ta o chon! Vicha pala e vicha.
6¡Ka perel sargo kana delpeke pe char chindi,
sargo kana pechalpeke pe phuv!
7¡O chachipe ka likel sargo e lulunlla
ta ka avel but pas ta chachipe
ande llivesa kana ka charoil,
lligo ni ka avel ios o chon!
8¡Ka gazdaril pe sa e mora,
katar e len Eufrates
llik kai e phuvia kai si mai dur!
9¡Leke dusmanura kai zivin po pusto
ka den changenchar angla le,
ka achen ando lallao ta ka jan e chik!
10¡Ka aven te den le ezgode e charura
katar o Tarsis ta katar e phuvia kai si pe mora.
Ka pochinen leke e charura
katar o foro Saba ta katar o Seba!
11¡Sa e charura ka den changenchar angla le!
¡Sa e phuvia ka radin leke!
12Soke vou ka braduil e chorre kai molilpe
ta e llene kai trubul le ta inai ko te pomozil le.
13Ka avel leke zao katar e llene kai inai len
ta ka braduil o zivoto katar e chorre.
14Ka braduil len katar o gazdaripe
ta katar o silnope,
soke lengo zivoto leke mol but.
15¡Te zivil o charo!
¡Ka den le o sunakai katar o foro Saba!
¡Suako llive te molinpe e Devleke pala le!
¡Te avel blagosime ostade!
16¡Te avel but lliu ande phuv
ta chak upre pe burdura!
¡Te barion e kuchorra sargo po burdo Libano
ta te bariol o foro, gia sar bariol e char ande umalia!
17¡O anav e charoko te avel blagosime ostade,
ka zivil leko anav sargo o kham!
¡Ta sa e phuvia e suetoke
ka aven blagosipe pala le!
¡te ikharen le blagosime sa e phuvia!
18Blagosime te avel o Del, Gazda ta Del katar o Israel,
o edino kai cherel bare ezgode.
19¡Blagosime te avel ostade leko baro anav!
¡Sa o sueto te pherdol katar leko blagosipe!
¡Gia te avelpe!
20Llik kate avel o molipe e Davideko, chavo katar o Isai.
Currently Selected:
Salmos 72: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
