Salmos 65
65
O Del si te avel blagosime
Katar o lleno kai sikavel te llilaben. Llili ta llilabipe e Davideko.
1¡Ioi Del katar o Sion!
¡Tut si te blagosi!
¡Chuke si te cherdon e sovel kai jalam
2soke tu asune o molipe!
Sa o sueto ka avel tute
3ta ka anel po bilachipe kai cherel,
o pharipe katar amaro bilachipe dobil amen,
a tu prosti le.
4Blagosime o lleno kai tu esviri le
ta kai inllare le te zivil pasa tu,
ande sobe katar cho cher.
¡Te ava pherde katar o mai lachipe
katar cho santo cher!
5Amaro Del ta Braduimari,
tu de amen anglal
ta chere bare ezgode chache
sa e phuvia si len vera ande tu
ta i e phuvia kai si but dur pasa e mora.
6Tu chere te aven zurale e burdura
tromanimaia ta zoriaia.
7Tu achave e valura e morake kai basen
ta e burkania e suetoki,
8i gola kai zivin dur ande aver phuvia
izdran angla che bare ezgode,
tu chere te avel veselia
kana likel o kham ta llik kana perel.
9Tu arakhe e phuvia,
chere te peren zurale e paia
ta barvaol ando pai e Devleko,
ta lachare lengo lliu kana tu mange.#Sal 104.10-16.
10Tu chingare e phuv,
chere te fulien lake paia,
kovliarela e bursindea
ta blagosi lake patra zelene kai liken.
11Tu phere blagosipe o burs,
che oblakura mukliaren but lachipe,
12o pusto zelenil katar e char
ta e burdura furiadon ande veselia.
13E zeledina pherdol bakre,
e umalia ni den ios katar o lliu,
¡saurre llilaben ta urkin veselimatar!
Currently Selected:
Salmos 65: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
