Salmos 66
66
E ezgode kai cherel o Del si glamne
Katar o lleno kai sikavel te llilaben. Llili, llilabipe.
1Llilaben e Devleke veselimaia,
sa o sueto.
2Llilaben llilia pala leko baro anav.
Blagosin le ande llilia.
3Phenen e Devleke:
So tu cherdan si glamno pala chi bari zor
che dusmanura peren angla tu daratar.
4Sa o sueto ka blagosil tut
ta ka llilabel chuke.#Sal 96.1-4; 96.4-8; 100; 117.
5Aven te dikhen so cherda o Del,
e glamne ezgode kai cherda pala o sueto:
6cherda te avel phuv suki pe mora,
ta amare purane nakhle e len peske,
¡veseliamen ando Del!#Ek 14.21-22; Jos 3.14-17; Sal 114.3,5.
7Pe zoriaia charoil ostade,
prezol ta dikhel pe phuvia,
te na vazdiniaon pe lete
gola kai ni kanden le.
8¡Phuvia blagosin amare Devle!,
¡te asundon zurale e llilia kai blagosin!
9Soke arakhla amaro zivoto
ta ni mukla te eskomban amere porrne.
10Amaro Del, tu zumadan amen,
¡chistosardan amen sargo kana chistolpe o rup!
11Cherdan te pera ande mreza,
thodan iek baro pharipe pe amare zea.
12Cherdan te nakhel vareko e grastenchar pe amaro soro,
nakhlam katar o pai ta katar e iag,
ta mapalal dian amen but lachipe.
13Ka dav ande cho cher ta ka cherav chuke kurbano,
gia ka cherav e sovel kai jalem,
14e sovel kai jalem chuke
kana sema pe dar.
15Ka cherav chuke kurbanura katar e zivirinie thule,
ka anav chuke guruva ta busne,
ta kurbanura katar e bakre e burdoke.
16¡Aven saurre,
gola kai daran e Devletar!
¡Ta ka phenav tumenge
so cherda o Del pala ma!
17Me us ta mo mui ikharde le ta blagosisarde le.
18Te avilea bilache me mislura,
o Del ni asundaia man,
19¡a o Del asunda man ta thoda sama pe mo molipe!
20¡Blagosime te avel o Del,
kai lia mo molipe
ta dia man po volipe!
Currently Selected:
Salmos 66: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
