Salmos 64
64
O molipe te pomozil o Del
Katar o lleno kai sikavel te llilaben. Llili e Davideki.
1Asun Devla, sar moliv man chuke rovindo,
arak mo zivoto katar e dusmanura.
2Guruv man katar e llene bilache
kai denpe orba po chorial,
ta katar e ezgode kai mislin te cheren e bilache llene,
3kai ostron pi chib sargo jarni
ta chuden alava sargo llide kai mundaren.#Sal 52.2.
4Gurudine chuden ande llene kai inai dosale,
chuden kana niko ni uzdilpe ta ni daran.
5Isto maskar pe denpe zor te cheren o bilachipe.
Mangen te thoven sole gurudine
ta mislin kai niko ni ka dikhel len,
6kai niko ni ka rodel te llanel lengo bilachipe.
A gua kai pinllarel
e mislura mai gurudine e manusenge,
ka thovelpe te rodel.
7O Del ka chudel pe llide ta ka ranil len,
ka dukhavel len kana ni ka uzdinpe,
8ka peren isto ande pe alava,
ta kogo ka dikhel len
ka marel lendar espurnia.
9Ondaka saurre ka blagosin e Devle
ta ka den orba katar so vou cherel,
ka acharen so vou cherda.
10O lleno lacho ka veselilpe ando Del
ta ka rodel letar te arakhel le,
ta sa e llene chache ka aven blagosime.
Currently Selected:
Salmos 64: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
