Salmos 63
63
O Del si e veselia e manuseki
Llili katar o David kana saia po pusto katar o Juda.
1¡Devla, tu san mo Del!
Kana pharron e zore ka dav tut sa me liea,
soke bari trus si mange tutar,
mi esnaga trubul la tutar,
sargo e phuv suki ta trusali kai inai la pai.#Sal 42.1-2; 143.6.
2¡Mangav te dikhav tut ando santuario,
ta te dikhav chi zor ta cho baripe,
3soke cho volipe mol le mai but neko o zivoto!
Me us ka blagosin tut,
4sogo ziviva ka blagosiv tut,
ta ande cho anav ka vazdav me va.
5Ka chalivav
sargo iek lleno kai jal o mai lacho jape,
ta me us ka blagosin tut veselimaia.
6Orachaia kana perav mange
dav man golli ta misliu man ande tu,
7soke tu san kai pomozi man.
¡Veselo sem tala e senka che phakhengi!#Sal 17.8; 91.4.
8Sa mo zivoto si lipime pe tute,
cho va o chacho ni mukel man.
9Gola kai mangen te mundaren man
ka peren chak andre ando limori,
10¡Ka meren po jarni
ta ka jan len e lisiche!
11A o charo ka veselilpe ando Del,
ka llilaben sa gola kai jan leke sovel,
a golenge kai kojaven, ka phanden lengo mui.
Currently Selected:
Salmos 63: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
