Salmos 62
62
O Del, samo lete sai gurudiva
Katar o lleno kai sikavel te llilaben. Katar o Jedutun. Llili e Davideki.
1Samo ando Del sem esmiro,
letar avel mo braduipe.
2Samo vou arakhel man ta braduil man.
Ni ka perav but soke lete gurudivav.#Sal 46.
3¿Gachin ios ka roden mange o bilachipe
ta ka mangen te peraven man
sargo iekhe zido,
o sargo iek bar kai lel te perel?
4Samo mislin te peraven man,
tumari mai bari dragostia si o kojaipe.
Blagosin man e alavenchar,
a ande tumare mislura den man armaia.
5Samo ando Del malavav e pas,
soke sa so aduricharav avel letar.
6Samo vou braduil man ta arakhel man.
Ni ka perav soke lete gurudivav.
7O Del si mo braduipe ta mo baripe,
vou arakhel man ta lete gurudivav.
8¡Foro murno, morabi te avel tumen vera ando Del!
¡Den lea orba, molin tumen leke
sa tumare liea ta na daran!
¡Kai o Del gurudiva!
9O manus si sargo e balav,
e barvale ta i e chorre,
te phariaven e duien
phariavena mai cherricha neko e balav.
10Na pachan ando silnope,
¡na istardon ando choripe!
a te barvalien
na thoven tumaro lio ande love.
11O Del dia orba iek drom,
dui droma asundem gaia orba:
Kai chiri si e zor,
12ta chiro Devla si o volipe,
soke tu pochine e manuseke
prema so cherel.#Job 34.11; Jer 17.10; Mt 16.27; Ro 2.6; Apo 2.23.
Currently Selected:
Salmos 62: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
