Salmos 61
61
E vera kai o Del ka pomozil amen
Katar o lleno kai sikavel te llilaben ande basalde kai si len kuerde. Katar o David.
1¡Devla asun sar moliv man chuke rovindo!
¡thov sama kai moliv man!
2Katar o than mai gurudino e phuviako
moliv man chuke,
soke inai man zor ande mo lio.
Thou man upral po barr kai si mai baro mandar,
3soke tute gurudivav.
¡Tu san sargo iek baro cher
kai gurudivav katar o dusmano!
4Mangav te ziviu ande cho cher sa mo zivoto,
uchardo che pakhenchar.
5Soke tu Devla asundan e sovel kai jalem
ta dian man so de e llenen
kai blagosin cho anav.
6Cher te zivil but burs o charo,
te zivil but, but burs,
7ta te charoil sa o vreme ande cho blagosipe.
Dik pe lete che volimaia ta che chachimaia,
8ta gia ka blagosiv cho anav sa o vreme
ta ka cherav suako llive e sovel kai jalem.
Currently Selected:
Salmos 61: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
