Salmos 60
60
Molipe te manga o pomozipe e Devleko
Sal 108.6-13
Katar o lleno kai sikavel te llilaben prema e llili katar e orba e lulunllengi. Sukar alava kai sikaven katar o David kana llala te marelpe e llenenchar katar o Aram katar o Naaraim ta katar o foro Soba, ta o Joab, kana irisailo, dobisarda desudui milie murusen katar o Edom ande umal katar o Lon.#2 S 8.3-14; 1 Kr 18.3-12.
1¡Ioi Devla! muklan amen korkorre,
chudian amen tutar,
¡irisao amende!
2Cherdan te dermolpe e phuv ta te putaol,
¡phande akana o putardipe, soke phagol!
3Cherdan te avel zumado cho foro zurale,
dian amen iek mol kai zalil.#Is 51.17,22; Jer 25.15; Sal 75.8.
4Sikadan e llenenge kai blagosin tut
te llanen kana saia te nasen katar e llide.
5¡Asun amen, braduisar amen che zoriaia!
¡Mukliar e llenen kai voli len!
6O Del phenda ande po santuario:
¡Gia veselimaia ka fulavav o Sikem
ta ka fulavav e umal katar o Sukot!
7O Galaad ta o Manases si murne,
o Efrain si e challi sastruni kai ucharel mo soro,
o Juda si e rovli kai gazdariu laia,
8o Moab si o lelleno kai jalavav man,
upral po Edom ka chudav me minie
¡ka urkiu soke dobisardem e filisteonen!
9¿Ko ka inllarel man kai o foro kai si ande zidura?
¿Ko ka sikavel mange o drom kai o Edom?
10¡Ioi Devla! soke chudian amen.
¿Ni likea amare llenenchar kai llana te marenpe?#Sal 44.9; 108.11.
11Pomozisar amen amare dusmanonenchar,
soke o pomozipe e manusengo ni mol le niso.
12Ando pomozipe e Devleko ka chera bare ezgode,
¡vou ka ustavel amare dusmanonen!
Currently Selected:
Salmos 60: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
