Salmos 59
59
O Del arakhel amen
Katar o lleno kai sikavel te llilaben. Na zatri. Sukar alava katar o David kana o Saul phenda te prezon o cher e Davideko te mundaren le.#1 S 19.11-17.
1¡Ioi Devla!, braduisar man katar me dusmanura,
arak man katar e llene kai murzin pe mande.
2Kurtulisardan man katar llene bilache,
braduisar man katar e llene kai mundaren,
3Soke si llene zurale
kai aduricharen o vreme te mundaren man.
Devla, me kandiem tut ta ni cherdem o bilachipe,
4ni cherdem ni iek ezgoda bilachi,
a von sigaren te marenpe manchar.
¡Uste! ¡ta aide te malado manchar ta dik!
5Tu Devla,
Del kai si tut sa e zor, Del katar o Israel,
uste ta patisar golen kai ni pachan ande tu,
te na avel chuke zalba katar gola llene bilache ta kojamne.
6Irinpe orachaia ta basen sargo llukela,
ta llan truial katar o foro.
7Ta o chungar perel katar lengo mui,
dukhaven pe alavenchar ta phenen gia:
¡Inai niko te asunel amen!
8A tu Devla, asa chuke lendar
tu mare espurnia katar sa e phuvia.#Sal 2.4.
9Tutar aduricharav, Devla,
soke tu san mi zor ta arakhe man.
10O Del kai volil man ka avel te maladol manchar,
ka cherel te dikhav sar ka jasaren me dusmanura.
11Te na mundare len,
gia ni ka bristarel len mo foro,
rispisar len che zoriaia, ta muk len ando lallao.
¡O Del arakhel amen!
12Sa lenge orbe si ando bilachipe,
¡te achen phangle isto ande po baripe
ta ande sovel bange kai jan!
13¡Zatrisar len, zatrisar len che jolinaia!
¡Te na zivin ios!
¡Te llanen kai o Del si Charo
ando Israel ta kaigo si phuv!
14Kana ka irinpe orachaia ka basen sargo llukela truial katar o foro,
15ka roden so te jan
ta te na chalile ka auchinpe sorro riat.
16A me ka llilabav chuke thiarinako,
ka phenav ando llilabipe katar cho volipe
soke tute gurudivav ando llive katar e nuzda.
17Chuke ka llilabav, murno Del,
soke tu san iek zido kai arakhel man,
¡Tu san o Del kai volil man!
Currently Selected:
Salmos 59: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
