Salmos 6
6
O molipe kana si nuzda
Katar o lleno kai sikavel te llilaben ande basalde kai si len ojto kuerde. Llili e Davideki.
1Devla,
na de pe mande ande chi joli,
na dukhav man jolinaia.#Sal 38.2; Jer 10.24.
2Devla, te avel chuke zalba mandar,
soke sen nasualo.
Devla, sastar man,
soke sa mi esnaga izdral.
3¡Izdrav daratar!
A tu Devla, ¿kana ka ave?
4¡Aide Devla, braduisar mo zivoto!,
¡braduisar man pala cho volipe!
5Nisavo lleno kai si mulo nasti delpe golli tutar,
¿ko ka blagosil tut ando limori?#Sal 88.10-12; 115.17; Is 38.18-19.
6Chinio sem kai gachin rovav.
Gachin rovav suako riat
kai me ausenchar sa chingarav mo serand.
7Dikhav sargo iek oblako pe me akha katar o chiñipe,
pala e dos katar me dusmanura.
8¡Len tumen mandar
sa e llene kai cheren o bilachipe,
soke o Del asunda mo roipe!#Sal 119.115; Mt 7.23; Lk 13.27.
9O Del asunda kai moliva man,
¡o Del lia mo molipe!
10Me dusmanura ka meren daratar,
ta ka achen ando lallao,
ni ka llanen so ka cheren,
ta ka nasen lallaimatar.
Currently Selected:
Salmos 6: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
