Salmos 7
7
O Del si iek krisari chacho
O roipe e Davideko kana llilabia e Devleke cheres o Kus o benjaminita.
1Devla kai san mo Gazda, avav tute,
¡Braduisar man
katar sa e llene kai llan pala mande!
¡Braduisar man,
2te na cherdanle, von ka zatrin man,
ka jan man sargo lionura,
ta ni ka avel ko te braduil man!
3Devla kai san mo Gazda,
¿Savi ezgoda bilachi cherdem lenge?
¿Savo bilachipe cherdem?
4¿Pochindem me amaleke bilachimaia
po lachipe kai cherda mange?
¿Cherdem te avel ande nuzda
mo dusmano bi te avel pe lete e dos?
5Te si gia,
cher te llal pala mande mo dusmano,
te malavel man te terril man pe phuv
ta chudino pe phuv
te mukel man ando lallao.
6¡Uste Devla jolinaia!
¡Achav e joli katar me dusmanura!
Tu, kai chine krisa chache,
¡chin e kris pe lende!
7Thou tut po maskaral katar e phuvia
ta thov cho trono chak upre,
upral pe sa e phuvia.
8Devla, tu krisi e phuvien
krisisar man prema mo chachipe,
krisisar man
prema e dos kai inai pe mande.
9Devla, tu san chacho,
tu llane so misli amen
ta llane amare mislura mai gurudine,
¡cher te avel o son katar e llene bilache,
a e llenen lache de len zor!#Jer 17.10; Apo 2.23.
10O Del katar o miloso
arakhel man sargo iek eskudo
kai braduil e llenen kai lengo lio si chacho.
11O Del si iek krisari chacho
kai si joliariko po bilachipe suako llive.
12Te na irisaile kai o Del,
o Del ka ostrol po jarni,
e dori katar leko arko si chirdini,
13ta dikhel kai ka llan leke llide phabarde,
¡gotove si leke ezgode kai mundaren!
14Dikhen po bilacho,
gia pherdo si katar o bilachipe
kai kana cherel le phenel kai si kojaipe.
15Cherda iek baro putardipe chak andre ande phuv,
ta isto andre ka perel.
16¡Leko bilachipe ta leko silnope
ka peren pe leko soro!
17Ka blagosiv e Devle soke si chacho,
ka llilabav ando anav e Devleko,
ando anav katar o Del e milosoko.
Currently Selected:
Salmos 7: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
