Salmos 5
5
Thiarinako e Devlea
Katar o lleno kai sikavel te llilaben ando firo. Llili e Davideki.
1Devla, asun me alava,
de anglal soke moliv man chuke,
2thov sama kai mangav tutar,
tu san mo Del ta mo Charo,
chuke ka moliv man.
3¡Ioi Devla! thiarinako ka asune mo avazi,
but rano ka phenav chuke so si mange,
ta rano ka aduricharav te de anglal.
4Tu san iek Del kai inai chuke drago o bilachipe,
goleke e bilache llene nasti aven pasa tu,#Sal 15; 24.3-6.
5ta ni e llene zilne,
ta ni terpi e llenen kai cheren o bilachipe,
6zatri e kojamnen, ta trade e llenen
kai ni cheren pe chiro,
ta golen kai mundaren.
7A me, pala cho baro volipe
sai dav ande cho cher,
¡sai blagosiv tut changenchar,
ta sai dikhav karing cho santo cher daraia!
8Devla, cheres me dusmanura
cher te phirav ande cho chachipe,
inllar man po lacho drom.
9Von nikada ni den orba chachimaia,
¡von si cherne andral!
Sargo iek limori putardo si lengo gurtano,
¡lengi chib si kojamni!#Ro 3.13.
10¡Dukhav len Devla!
¡Cher te peren pe lende lenge bilache mislura!
Chude len tutar pala e but ezgode bilache kai cheren,
soke ni kamen te cheren pe chiro.
11Veselia si te avel e llenenge
kai mangen tutar te arakhe len,
llilaben veselimatar suako llive
soke tu arakhe len.
Gola kai volin tut, veselinpe cheres tu,
12soke tu Devla, blagosi e llene kai si tuia chacho,
chi zalba si truial letar sargo iek eskudo.
Currently Selected:
Salmos 5: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
