Salmos 58
58
Molipe pala o chachipe
Katar o lleno kai sikavel te llilaben. Na zatri. Sukar alava katar o David.
1Tumen kai sen e krisaria,
¿krisin chachimaia e llenen?
2Iok, tumen cheren e ezgode bilachimaia,
ta putaren o drom te avel silnope ando foro.
3E llene bilache cherdon bilache mai anglal te biandon.
E kojamne kojaven sar kai biandile.
4Mundaren sargo o sap,
von si sargo o sap kai mundarel
kai ni asunel ta phandel pe kan
5te na asunel sar basalel o firo o lleno kai ando basaldipe kanden le e sapa.
6¡Ioi Devla! ¡phag lenge danda!
Devla, ¡phag e danda katar gola lionura!
7Te bilaon sargo o pai kai llal,
te sukon sargo e char kai ustadol,
8te bilaon sargo o kanchipus ande po chungar
¡sargo o baiato kai merel ta ni resel te dikhel o kham!
9Te lenpe iag sargo karrne ta mapalal te acharen kai phabon,
te aven chirdine silnomaia sargo e char zeleni.
10O lleno kai si chacho ka veselilpe
kana ka ikanel pi duk,
¡ta ka jalavel pe porrne ando rat katar e llene bilache!
11Ta ondaka ka phenel:
¡Mol le but te ave chacho!
¡Soke si iek Del kai krisil e sueto!
Currently Selected:
Salmos 58: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
