Salmos 54
54
O molipe te pomozil o Del
Katar o lleno kai sikavel te llilaben, ande basalde kai si len kuerde. O David sikavel, kana e llene katar o Sif llele te phenen e Sauleke: ¿O David ni gurudilo maskar amende?#1 S 23.14-19; 26.1.
1¡Devla, braduisar man pala cho anav!
¡Arak man che zoriaia!
2Devla, asun mo molipe,
asun so phenav chuke,
3Llene barikane ta silne vazdinaile pe mande
ta mangen te mundaren man.
¡Von inai e Devlea!#Sal 86.14.
4A o Del pomozil man,
o Del arakhel man te na merav.
5Vou ka cherel o bilachipe katar me dusmanura
te perel isto pe lende.
¡Zatrisar len Devla, soke tu san chacho!
6Sa me liea ka cherav chuke kurbanura
ka blagosiv cho anav, soke tu san lacho,
7soke tu kurtulisardan man katar sa me nuzde,
ta dikhlem sar zatrinpe me dusmanura.
Currently Selected:
Salmos 54: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
