Salmos 53
53
O bilachipe e manusengo
Sal 14
Katar o lleno kai sikavel te llilaben e nasualimake. Sikadipe e Davideko.
1E dile mislin ande po lio kai inai Del:
sa e manusa murisaile,
cherde ezgode bilache.
¡Inai niko te cherel o lachipe!#Sal 10.4,11; 73.11.
2Katar o miloso o Del dikhla pe manusa
dal saia vareko te acharel
ta te rodel e Devle.
3A sa irisaile pe pire droma,
saurre murisaile.
¡Inai niko te cherel o lachipe!
¡Inai ni iek!#Ro 3.10-12.
4E bilache llene ta e kochkaria ni acharen,
gola kai jan me foro sargo kana jan marrno,
gola kai ni molinpe e Devleke.
5Inai soke te izdran,
von izdran daratar,
soke o Del rispil e kokala katar e dusmanura.
Ka achen ando lallao, soke o Del ni lel len.
6¡Cherel o Del, te likel katar o burdo Sion
o braduipe katar o Israel!
Kana o Del ka ikanel len katar o foro kai sea sluge,
ka veselilpe o porodo katar o Jakob,
sa o foro katar o Israel.
Currently Selected:
Salmos 53: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
