Salmos 51
51
¡Ioi Devla! te avel chuke zalba mandar
Katar o lleno kai sikavel te llilaben. Llili katar o David kana o profeta o Natan dia po David soke cherda o kurvaluko e Betsabeaia.#2 S 12.1-14.
1¡Ioi Devla! te avel chuke zalba mandar, pala cho volipe,
pala e bari zalba kai si tut, kos mi dos.
2¡Jalav man katar mo bilachipe!
¡Chistosar man katar mo bilachipe!
3Phenav mo bilachipe,
nasti ikanav katar mo mislo o bilachipe kai cherdem.
4Chuke cherdem o bilachipe, samo chuke
angla tu cherden o bilachipe, gua so chuke inai drago.
Chi orba si chachi,
niko ni tromal te del orba kana tu chine chi kris.#Ro 3.4.
5Chachimaia me sem bilacho sar kana biandilem,
sem bilacho sar kana sema ande me dako lli.#Job 15.1-16; Pr 20.9; Jer 17.9; Ro 7.14-23.
6Chachimaia tu voli e llenen kai ni kojaven,
ta dian man bizaipe andre ande mo lio.
7Chistosar man e patrorrenchar,#51.7-9 Isopo: patrorra minone ta jurdorre, kai chudena lenchar pai ta chistona e manusen ta i e ezgode Lv 14.4-7,49-53. Dikhol ando Jn 19.29. ta ka achav chisto,
jalav man ta ka achav mai parrno neko o iv.#Ek 12.22; Lv 14.4-7,49-53; Is 1.18.
8Pher man dragostia ta veselia,
veselisar man pale, ta ka saston e kokala kai dukhadan.
9Duriar katar che akha mo bilachipe
ta kos sa o bilachipe kai cherdem.
10¡Ioi Devla! ¡thov ande mi esnaga iek lio chisto!
¡De man iek duo nevo ta chacho!#Ez 11.19; 36.26; 2 Kor 5.17.
11Na duriar man tutar
ta na le mandar cho santo duo.
12Cher te acharav pale e dragostia katar cho braduipe,
istar man ande cho posteno duo,
13te sai sikavav che droma e llenenge kai ni kanden tut
ta te irinpe tute e llene bilache.
14Na muk te mundarav nika,
Devla, Del katar mo braduipe,
ta ka phenav ando llilabipe kai tu san chacho.
15Devla, mukliar mo avazi,
ta ka blagosiv tut ande llilia.
16Soke tu ni kame te da kurbanura,
kai me sai dav len, a gua inai so si chuke drago.#Sal 40.6; 50.8-14.
17O kurbano e Devleke si te avel iek duo dukhado,
¡Soke kana si iek lio dukhado ta phago, tu ni trade le!
18Cher o lachipe ando Sion, pala cho lachipe,
vazde pale e zidura katar o Jerusalem.
19Ondaka ka le e kurbanura chache,
so si dino kai phabardol sa,
ondaka ka denpe guruvorra upral pe cho altar.
Currently Selected:
Salmos 51: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
