Salmos 50
50
O Del si iek krisari chacho
Llili katar o Asaf.
1O Gazda kai si Del katar e dela,
dia orba ta ikharel sa e sueto,
katar likel o kham llik kai perel.
2Katar o Sion o Del klichil
ta si pherdo sukaripe.#Sal 48.2; Lm 2.15.
3Amaro Del avel, ta ni avel bi te asundol:
Ta angla le llal e iag kai zatril,
ta truial letar iek bari balav.#Ek 19.16-19; Dt 33.2; Jue 5.4; Sal 18.7-15.
4O Del ka ikharel e miloso ta e phuv,
te dikhen e kris katar leko foro:
5Chiden e llenen kai si mange chache,
gola kai achile manchar pe iek alav
iekhe kurbanoia.#Ek 24.5-8.
6Ta o miloso ka phenel kai o Del si iek krisari chacho.
7Asun Israel, kai san mo foro,
me ka krisiu tut.
¡Me sem o Del! ¡Me sem cho Del!
8Ni dosarav tut pala che kurbanura
kai chere mange suako drom.
9Ni mangav tutar telchura
ni busne katar cho rindo,
10soke murne si sa e zivirinie dive,
ta i e zivirinie kai si ande umalia,
11murne si e chiriklia katar e burdura
ta sogo miskolpe ande umalia.
12Te avilema bokhalo, inai soke te phenavle chuke,
soke sa o sueto si murno, ta sogo si ande le.
13¿A so, me jav mas guruvano,
o piav o rat katar e busne?
14¡De fala e Devle ta gua te avel cho kurbano,
cher so phendan kana dian cho alav e Devle!#1 S 15.22; Sal 40.6; Is 1.11-17; Jer 7.22-26; Am 5.21-25.
15De man mui kana ka ave ande nuzda,
me ka braduiv tut, ta tu ka blagosi man.
16A e lleneke kai si bilacho o Del phenel:
¿Ko dia tut o gazdaripe te de orba katar me zakonura
o te phene katar mo alav kai diem?
17Inai chuke drago te den pe tute
ta ni thove sama pe me alava.#Ro 2.21-22.
18San pachivalo e choranea,
¡chidiniao e llenenchar kai cheren o kurvaluko!
19Te chere o bilachipe ta te ikane orbe kojamne
mukliardon che us ta chi chib.
20De orbe bilache katar cho phlal,
¡isto che phlale kuse!
21Sa gala ezgode cherdan, ta me ni phendem niso,
tu mislia kai me sem sargo tu.
A me ka dosarav tut ta ka dikhe mo mui,
¡Me ka lacharav e orba tuia!#Ro 2.17-24.
22Acharen gaia ezgoda akana,
tumen kai bristarden e Devle,
sai avel kai ka zatriv tumen
ta ni ka avel ko te braduil tumen.
23Gua kai del man fala, blagosil man.
¡Ko ortol po drom, me ka sikavav leke
o braduipe e Devleko!
Currently Selected:
Salmos 50: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
