Salmos 49
49
E love inai sa
Katar o lleno kai sikavel te llilaben. Llili katar e chave katar o Kore.
1Asunen sa e forura,
asunen sa e llene kai si pe phuv,
2asunen saurre,
o barvalo ta i o chorro.
3Ka dav tumenge iek orba llangli,
ta ka phenavla tumenge bizaimaia.
4Ka asunav e alava e bizai,
ta ka phenav ande arpa so phenen gola alava.
5¿Soke ka darav
ande llivesa katar e nuzda,
ta kana o bilachipe katar me dusmanura
si truial mandar?
6Von uzdinpe ande pe love,
ta falinpe ande sa po barvalipe,
7niko nasti braduil vou pe,
ta nasti pochinel e Devleke te braduil leko zivoto.
8Soke o braduipe katar o zivoto si but kuch
ta e love nasti pochinen le
9te zivil ostade ta te na dikhel nikada o meripe.
10Soke ka dikhel kai i e llene bizai meren,
gia sar meren e llene kai inai llangle ta e dile,
ta muken avereke po barvalipe.
11Thoven pe anava pe pe umalia,
a lengo limori ka avel lengo cher ostade,
12o manus ni zivil ostade i mai barvalo te avel,
vou si sargo e zivirinie kai meren.#Ekl 3.19.
13Lengo drom si dilipe,
a lengo porodo veselinpe ande so von phenen.
14Gale llenenge o meripe si lengo chobano,
ta inllarel len ando limori
sargo kana si bakre.
A e llene kai si chache ka dobin len.
Tiarinako ka jasaren pi zor
ta o limori ka avel lengo cher.
15A o Del ka braduil mo zivoto katar o meripe,
soke vou ka inllarel man.
16Na brigisao kana vareko ka barvaol
ta dikhol o baripe katar leko cher,
17soke kana ka merel nasti ka inllarel niso,
ni po baripe,#Job 1.21; Ekl 5.15; 1 Ti 6.7.
18i te veselilpe so avela llundo
i te blagosina le cheres leko barvalipe,
19si te avel o llive kai ka merel,
ta ni ka dikhel ios o villelo.
20O lleno kai si ande po barvalipe ta ni acharel,
si sargo e zivirinie kai meren.
Currently Selected:
Salmos 49: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
