Salmos 48
48
O baripe katar o Sion, e Devleko foro
Llilabipe. Llili katar e chave katar o Kore.
1¡Baro si o Del!
¡Ta prilichil letar o baro blagosipe
ande leko foro ta ande leko santo burdo!
2¡Gia sukar ta baro si o burdo Sion,
incha karing o norte!
¡Vou si e veselia katar sa e phuv!
¡Vou si o foro katar o baro Charo!#2 R 18.19; Sal 95.3; Mt 5.35.
3O Del si ande charoine katar o Jerusalem,
ta si pinllardo kai arakhel amen.#Sal 76.1-3; 122.7.
4E charura chidinaile
ta llele te marenpe e foroia,
5a kana dikhle o foro chudisaile,
ta ni llanena so ka cheren ta nasle.
6Ondaka daralie zurale
ta bangona dukhatar
sargo iek diskinia kai maladol lake,
7sargo e balav katar e rig kai likel o kham
ta phagel e llimie ando Tarsis.#Jon 1.3; 1 R 10.22; 22.48.
8Gia sar phendele amenge,
isto gia dikhlamle ando foro katar amaro Del,
o Del kai si le sa e zor,
ando foro katar amaro Del
¡O Del ka cherel
te achel o Jerusalem ostade!
9¡Ioi Devla!
andre ande cho cher
mislia amen ande cho volipe.
10¡Ioi Devla!
ande sa o sueto blagosin tut
prema cho anav.
Si tut e zor te chere o chachipe.
11¡Ka veselilpe o burdo Sion!
¡Ka veselinpe e chea katar o Juda
pala che krisa!
12Phiren truial katar o Sion, ta achen truial,
llinen lake bare chera.
13Thoven ande tumare mislura leke zidura,
dikhen pe lake charoine,
ta gia te phenenle e porodoke kai ka avel mai angle.
14Soke gia si amaro Del ostade,
vou ka sikavel amenge o drom ostade.
Currently Selected:
Salmos 48: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
