Salmos 39
39
O zivoto
Katar o lleno kai sikavel te llilaben. Katar o Jedutun. Llili e Davideki.
1Me phendem ande mo lio,
te arakhav man katar ka phirav,
te na liken bilache alava katar mo mui
te thovav iek salvari pe mo mui
kana ka avav e llenenchar kai ni pachan ando Del.
2Sema sargo iek nemao,
ni phenava niso, ¡ni o lachipe!
A mi duk ios mai bariola,
3¡mo lio phabola!
Misliva man ta phabili iek iag andre ande mande
ta diem orba zurale:
4Devla, phen mange sar ka avel mo son
ta gachin ka ziviu,
te sai llanav gia minono si mo zivoto.
5Dian man iek zivoto gia minono,
mo zivoto inai niso angla tu.
¡E manusa si sargo o aburo kai phurde!
6Sargo iek senka kai nakhel si o manus,
sargo e balav si o barvalipe kai chidel,
ta ni llanel kake ka achel.#Job 7.16; 8.9; 14.1-2; Sal 90.9-10; 102.23; Ekl 6.2.
7¿So ios sai aduricharav Devla?
¡Tutar aduricharav!
8Braduisar man katar mo bilachipe,
na muk te maren mandar espurnia e dile.
9Phanglem mo mui,
soke tu chere e ezgode.
10Duriar mandar cho chaladinipe,
o chaladinipe kai dian man che vastea mundarel man.
11Tu orto e llenen ta dukhave len ande lengo bilachipe,
ta chere prajo e ezgode kai si leke drago.
¡Sa e manusa si sargo e balav kai phurde!
12Devla asun mo molipe,
¡asun mo roipe!
¡Na achi bi te phene niso angla me ausa!
Me sem chuke sargo iek lleno katar aver phuv,
iek chirikli kai nakhel, sargo me purane.#Lv 25.23; Sal 119.19; 1 P 2.11.
13Le che akha mandar te sai lav mange duo
mai anglal te merav.#Job 7.19; 10.20-21; 14.6.
Currently Selected:
Salmos 39: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
