Salmos 37
37
Si te avel tut vera ando Del
Katar o David.
1Na joliao pala e bilache llene,
o pala e ezgode kai si len,
o pala so cheren e kochkaria,
2soke oma sukon sargo e char,
¡ta jasaren po zivoto sargo e patra!
3Trubul te avel tut vera ando Del ta cher o lachipe,
zivisar ande pe phuv ta ka bario ande pas.
4Volisar e Devle dragostimaia,
ta vou ka cherel so mange letar andral katar cho lio.#Sal 49.16-17; Pr 23.17; 24.1-2,19-20.
5Thou cho zivoto ande Devleke va,
te avel tut vera ando Del, vou ka avel te pomozil tut.#Pr 16.3.
6Ka kletosare gia sar kletosarel o kham,
soke san orta ta chacho.
7Zivisar esmiro angla o Del,
adurichar so ka del tut vou,
na joliao kana avereke llal sukar,
na joliao pala o lleno kai mangel te cherel
e ezgode bilachimaia.
8Na joliao, chude tutar e joli,
soke e joli ios mai muril e ezgode.
9Soke e llene bilache ka aven ikande katar e phuv,
a gola kai zelin vera ando Del
ka len peke e phuv.#Pr 2.21-22.
10Cherricha ios, ta ni ka aven llene bilache,
ka rode len ta ni ka malave len ios.
11A e llene kai inai barikane ka len peke e phuv
ta ka zivin ande iek bari pas.#Dt 11.8-9; Sal 25.12-13; Mt 5.5.
12O lleno bilacho mangel te cherel o bilachipe e lacheke,
ta dikhel pe lete jolinaia.
13A o Del asal peke, soke llanel
kai si te avel leko vreme.
14E llene bilache ikanen po jarni ta chapenin o arko
te peraven e llenen kai inai barikane,
¡te mundaren e llenen kai si chache!
15A isto lengo jarni ka del ande lengo lio,
ta lenge arkura ka phagon.
16Mai mol e cherricha ezgode kai si le o lleno lacho,
neko o barvalipe kai si e bilache llenen.#Pr 15.16.
17O Del arakhel e llenen kai si lache,
a golen kai si bilache ka phagel lenge va.
18O Del pinllarel e llenen kai zivin bi dosako,
ta so si te len si ostade.
19Ni ka achen ando lallao kana ka avel o bilacho vreme,
kana ka avel e bok, ka avel len o jape kai trubul len.
20E llene bilache ka phabon sargo e char suki,
ta ka jasaon ande balav sargo o thuv.
21O bilacho lleno, mangel unllile ta ni pochinel,
a o lleno lacho si leke zalba ta si posteno.
22Golen kai o Del blagosil ka achel lenge e phuv,
a golen kai vou proketil ka aven zatrime.
23O Del inllarel e manuse po drom,
ta thovel le po drom kai leke si drago,#Pr 20.24.
24i te perela ni ka achel chudino,
soke vou si ande Devleko va.
25Me sema terno, ta akana sem phuro
a nikada ni dikhlem te trubul le vareso o lleno kai si lacho
ta ni dikhlem leke chaurren te mangen esmola.
26Sa o vreme si leke zalba, ta del unllile,
leko porodo ka zivil ando blagosipe.
27Duriu katar o bilachipe,
ta ka avel tut kai te zivi.
28Soke o Del volil o chachipe ta ni mukel
e llenen kai si leke chache,
a zatril e bilache llenen
ta mukel len bi porodoko.#Job 18.19.
29E llene lache ka len e phuv
ta ka zivin ande late ostade.
30O lleno posteno del orba bizaimaia,
o lleno posteno del orbe chache.
31O zakono e Devleko si ande leko lio,
¡nikada ni sinzan leke porrne!
32O lleno kai ni pachal ando Del prezol e llene kai pachal,
te mundarel le,
33a o Del ni mukel te perel ande leke va,
ta ni mukel te krisin le.
34Adurichar e Devletar ta lla orta pe leko drom,
soke vou ka blagosil tut ta ka mukel chuke e phuv.
¡Ka dikhe e zatrania katar e llene bilache!
35Dikhlem sar barion e llene bilache
sargo e krangura katar iek baro kas kai bariol,
36a nakhlem pale, ta ni saia kote gua kas,
rodiem le, ta nasti maladem le.
37Dik po lleno chacho, dik po lleno kai si tamam,
so aduricharel gole llene si e pas.
38A e llene kai ni pachan ka aven zatrime,
ta angle aduricharel len e zatrania.
39O Del pomozil e llenen kai si postene,
vou si o than kai gurudon kana avel o bilacho vreme.#Sal 9.9.
40O Del pomozil len te nasen.
Cherel len te nasen katar e llene bilache ta braduil len,
soke rodie te gurudon lete.
Currently Selected:
Salmos 37: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
