Salmos 36
36
O bilachipe e llenengo ta o lachipe e Devleko
Katar o lleno kai sikavel te llilaben. Katar o David, o sluga e Devleko.
1O lleno bilacho mislilpe te cherel samo o bilachipe,
ta nikada ni mislilpe
kai trubul te daral katar o Del.#Ro 3.18.
2Mislilpe kai o blagosipe si prema le,
ta ni dikhel pe po bilachipe,
3del orbe bilache ta kojavel,
ni mislilpe bizaimaia ta ni cherel o lachipe.
4Kana thovelpe te sovel mislilpe ando bilachipe kai ka cherel,
gia zurale istardilo po bilachipe
kai ni kamen te mukel le.
5A cho volipe Devla, resel llik kai o miloso,
cho chachipe resel kai e oblakura.#Sal 57.10.
6Cho chachipe si sargo e bare burdura,
ta che krisa sargo e mora e bari.
Tu Devla, arakhe e manusen ta e zivirinien.
7¡Ioi Devla! gia glamno si cho volipe!
¡Telal katar che pakha roden e llene te arakhe len!
8Chalion katar o baro jape
kai si ande cho cher,
tu de len te pien o pai katar iek len but sukar,
9soke tutar likel o pai e zivotoko,
ta ande cho villelo sai dikha o villelo.
10De suako llive cho volipe ta cho chachipe
golen kai pinllaren tut,
e llenen kai si orta.
11Na muk te ustaven man e llene barikane
ni te chinon man e bilache llene.
12¡Dikhen sar peren e bilache llene!
¡Peren te na usten ios!
Currently Selected:
Salmos 36: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
