Salmos 35
35
O molipe te avel o pomozipe e Devleko
Katar o David.
1Devla, de pe llenen kai den pe mande,
mar tut e llenenchar kai marenpe manchar.
2Le cho eskudo ta aide te arakhe man,
3Le chi lansa ta thov tut angla
gola kai llan pala mande.
¡Phen mange kai tu san mo braduimari!
4Cher te nasen lallaimatar
gola kai mangen te mundaren man,
cher te nasen lallaimatar
gola kai mangen te dukhaven man,
5¡cher len sargo char suki
kai inllarel la e balav,
chudine katar o suecho e Devleko!
6¡Lengo drom te avel ando truniariko ta te eskomban,
ta o suecho e Devleko te llal pala lende!
7Bi te avav dosalo thode mange iek mreza
upral pe iek anadipe ande phuv
te perav andre.
8¡Te perel pe lende e nevolia kana ni ka uzdinpe!
¡Te peren isto von ande gua anadipe!
¡Te peren ande nevolia!
9Ondaka ka veseliu man ando Del,
soke vou braduisarda man.
10Sa me liea ka phenav
¡Niko inai sargo tu!
Soke e llenen kai si chorre ta golen kai trubul len,
tu kurtuli len katar gola kai si mai zurale neko von,
katar gola kai cheren len te radin pe zor.
11Aven pe mande llene kojaimaia
te puchen man ezgode kai me ni llanav.
12Cherdem lenge o lachipe,
a von pochinen mange bilachimaia,
ta goleke si mange gachin zalba,
13soke kana von sea nasuale
me brigiva man pala lende,
thovava pe mande patave zalosne ta cherava alluno,
ta moliva man andral katar mo lio but droma.
14Phirava zalbaia ta ni saia man vlaga
sargo kana merel e manuseki dei,
iek amal o isto mo phlal.
15A kana pelem ande nuzda,
saurre asaiepeke mandar,
dukhavena man suako llive
sargo kana ni pinllarena man.
16Patisarde man, marde mandar espurnia,
ta dikhena pe mande jolinaia.
17Devla, ¿gachin vreme ios ka dikhe gala ezgode?
Mukliar mo zivoto katar lenge va,
braduisar mo zivoto katar e lionura.
18Ka dav tut fala angla cho baro foro,
¡Ka blagosiv tut angla but sueto!#Sal 22.22,25.
19Te na veselinpe mandar me dusmanura,
te na chuden peke akhaia gola kai murzin pe mande pala niso.#Sal 69.4; Jn 15.25.
20Soke ni roden e pas,
denpe orbe te roden sar te murin
e llenenge katar o foro kai roden e pas,
21putaren baro po mui pe mande, ta phenen:
¡Amen dikhlam amare akhenchar!
22A tu dikhlan Devla,
¡Na achi bi te phene niso!
¡Na duriu mandar!
23Uste Devla kai san mo Gazda, ¡Llungado!
Chin mange kris, thov tut pe murni rig.
24Chin pe mande kris Devla, kai san mo Gazda,
prema cho chachipe.
¡Te na asan peke mandar!
25Te na phenen ni te mislinpe mandar ande po lio:
¡E gia mangaia te dikha le!
¡Sa zatrisardam le!
26¡Te achen ando lallao
gola kai veselinpe katar mi belava,
te achen ando baro lallao
gola kai mislin kai si mai lache neko me.
27A te veselinpe ta te urkin veselimatar
gola kai drago lenge mo chachipe,
te phenen suako llive
¡O Del si baro,
kai si leke drago e pas katar leko sluga!
28Ka llilabav ta ka blagosiv cho chachipe,
¡Sorro llive ka blagosiv tut!
Currently Selected:
Salmos 35: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
