Salmos 27
27
O Del si mo villelo ta mo braduipe
Llili katar o David.
1O Del si mo villelo ta mo braduipe,
¿katar ka avel mange dar?
O Del arakhel mo zivoto,
¿katar ka darav?
2Kana e bilache llene kai si me dusmanura,
chidiniaon te maren man ta te zatrin man,
von eskonban ta peren.
3I te loden truial mandar e boñikura,
ni ka avel dar ande mo lio,
i te lacharenape te maren man,
me sem mange esmiro.
4Samo iek ezgoda manglem katar o Del,
samo iek ezgoda zeliu:
te avav ando cher e Devleko
sa mo zivoto,
te blagosiv le ande leko cher
ta te dikhav leko sukaripe.#Sal 23.6.
5Kana ka avel e nuzda,
o Del ka arakhel man ande po cherorro,
ka thovel man ando than mai gurudino katar pi chara.
¡Ka thovel man upral pe iek barr!
6Ondaka sai ka ustav te dikhav
upral pe me dusmanura,
ondaka sai ka dav kurbanura
ande chara e Devleki.
Ka urkiu veselimatar ta ka llilabav e Devleke.
7Chuke moliv man Devla, asun man.
Te avel chuke zalba mandar. ¡De anglal!
8Mo lio phenel mange gia:
Rode te ave pasa o Del.
Ta me Devla, rodav te avav pasa tu.
9¡Na gurudo mandar!
¡Na chude man jolinaia!
¡Samo tu sai pomozi man!
Na muk man korkorre
soke tu san mo Del ta mo Braduimari.
10I te mukela man mo dad ta mi dei,
tu Devla ka le man.#Is 49.14-15.
11Devla, sikav mange cho drom,
inllar man katar o lacho drom
cheres me dusmanura.
12Na muk man ande lenge va,
soke vazdinaile pe mande,
von si llene silne
kai den orbe kojamne mandar.
13A me pachav
kai ka dikhav e zalba e Devleki
ande gava zivoto.
14¡Uzdisao ando Del!
¡De tut zor!
¡Si te avel tut vera ando Del!
Currently Selected:
Salmos 27: BACHRO
Highlight
Share
Compare
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
